စစ်ကိုင်းတိုင်း၊ မုံရွာမြို့တွင် အကြမ်းဖက်စစ်ကောင်စီအား ခုခံတိုက်ခိုက်မည့်စစ်ဆင်ရေးများ ပြုလုပ်မည်ဖြစ်၍ အကြမ်းဖက်စစ်ကောင်စီတပ်ဖွဲ့ဝင်များနှင့် အနီးကပ်နေထိုင်ခြင်းနှင့်စစ်ဆေးရေးဂိတ်များအနီးသို့ သွားလာခြင်းမပြုရန် မုံရွာအခြေစိုက် မြို့ပြပြောက်ကျားအဖွဲ့များက အရေးပေါ်သတိပေးချက်ထုက်ပြန်သည်။
မုံရွာအခြေစိုက် မြို့ပြပြောက်ကျားအဖွဲ့များက ယနေ့ မတ်လ ၁ ရက်နေ့တွင် သတိပေးကြေညာချက်တစ်စောင် ထုတ်ပြန်ခဲ့ရာ အဆိုပါကြေညာချက်တွင် မဟာမိတ်အဖွဲ့များကယနေ နေ့လယ်ပိုင်းမှစတင်ကာ စစ်ဆင်ရေးများ ပြုလုပ်မည်ဖြစ်ပါသောကြောင့်မုံရွာမြို့နယ်အတွင်း စစ်သား၊ရဲသားများနှင့် အနီးကပ်နေခြင်း၊ စစ်ဆေးရေးနေရာများအာအသွားအလာ
မပြုလုပ်ရန် ယနေ့မွန်းလွဲ ၁ နာရီမှ စတင်ပြီး မုံရွာမြို့ ပြည်သူလူထုအား အရေးပေါ် အကြောင်းကြားအပ်ကြောင်း Unity Force Monywa က အသိပေးထားသည်။
အရေးပေါ်ကျန်းမာရေး ကားများမှလွဲ၍ မိမိတို့အိမ်တွင်းသာ အန္တရာယ်ကင်းကင်းနေပြီး အိမ်စီးကားများ မှန်ချ၍မောင်းနှင်ပါရန်နှင့်စစ်ကောင်စီတပ်များနှင့်အနီးကပ်နေ၍ ထိခိုက်မှုများ မဖြစ်ပေါ်စေရန် မဟာမိတ်များမှ အထူးမေတ္တာရပ်ခံပန်ကြားလိုကြောင်းဖော်ပြထားသည်။ယခုထုတ်ပြန်ချက်အား လိုက်နာခြင်းမပြုဘဲ အသွားလာပြုလုပ်ခြင်းများ မိမိသဘောနှင့် သွားလာခဲ့၍ ထိခိုက်မှုများရှိခဲ့လျှင် ဖြေရှင်းချက်ထုက်ပြန်မည် မဟုတ်ကြောင်း ညီနောင်မဟာမိတ်များအဖွဲ့များက ဆိုသည်။
“မစ်ရှင်လေးတွေရှိတဲ့အတွက်ကြောင့် ပြည်သူလူထု မထိခိုက်အောင် ကြိုသတိပေးတာပါ။ ကျွန်တော်တို့တွေတားမြစ်ထားတဲ့အချိန် ဘယ်မှမသွားရင်တော့ ပြည်သူလူထုတွေ အန္တရာယ်ကင်းတာပေါ့။ တစ်ခုခုဖြစ်လာခဲ့ရင်တော့ တာဝန်ယူဖြေရှင်းပေးနိုင်မှာ မဟုတ်ပါဘူးခင်ဗျ။ အဓိကကတော့ စစ်အာဏာရှင် ကျရှုံးဖို့ပါပဲ။”ဟု Unity Force Monywa အဖွဲ့တာဝန်ရှိသူကပြောသည်။
Public Service Announcement
မုံရွာမြို့တွင် အကြမ်းဖက်စစ်ကောင်စီတပ်အား မြို့ပြပြောက်ကျားအဖွဲ့များက ခုခံတိုက်ခိုက်နေကြပြီး စစ်ကောင်စီဘက်မှလည်းပြည်သူလူထုအားမြို့တွင်းမြို့ပြင်ပိုက်စိပ်တိုက်ဖမ်းဆီးစစ်ဆေးအကြမ်းဖက်မှုများ နေ့စဥ်ပြုလုပ်နေသည်။
