စစ်ကိုင်းတိုင်း မုံရွာမြို့နယ် မုံရွာ-အမြင့်လမ်းဘေးရှိ လောင်းကစားဝိုင်းများအားလုံး ပိတ်သိမ်းရန် ဒေသတွင်းအခြေစိုက်ညီနောင်မဟာမိတ် ၁၀ဖွဲ့က သတိပေးတားမြစ်ချက်ထုတ်ပြန်သည်။
မုံရွာ-အမြင့်လမ်းဘေးရှိ ပြည်သူများအနေဖြင့် ယခုချိန်မှစ၍ ကြက်ဝိုင်း၊ ဖဲဝိုင်း၊ ဂျင်ဝိုင်းများ (လောင်းကစားဝိုင်းအားလုံး) မည်သူတစ်ဦးတစ်ယောက်မျှ မပြုလုပ်ကြရန် ကျွန်ုပ်တို့ ညီနောင်မဟာမိတ်(၁၀)ဖွဲ့မှ ယနေ့ (မတ်လ ၂ ရက်)တွင် သတိပေးတားမြစ်လိုက်ကြောင်း Monywa Lightning PDF အဖွဲ့က အသိပေးသည်။
ဤတားမြစ်ချက်အား မလိုက်နာပါက ပြင်းထန်စွာ အပြစ်ပေး အရေးယူခြင်းခံရမည်ဖြစ်ကြောင်း Monywa Lightning PDF အဖွဲ့က ထပ်မံ သတိပေးသည်။
“ပြည်သူတွေ စားဝတ်နေရေး ခက်ခဲနေချိန်မှာ ဒီလိုလောင်းကစားဝိုင်းတွေက တော်တော်ဆိုးနေတယ်ဗျ။ နောက်ပြီး လောင်းကစားဝိုင်းကြီးလာရင် စကစကို လိုင်းကြေးပေးရတော့မှာပဲလေ ။ဒီတော့ စကစထောက်တိုင်မဖြစ်သေးခင် ရပ်တန့်စေချင်လို့ ပိတ်ပင်လိုက်ရတာဖြစ်တယ်”ဟု Monywa Lightning PDF အဖွဲ့ တာဝန်ရှိသူက ပြောသည်။
Public Service Announcement
Monywa Lightning PDF အဖွဲ့အပါအဝင် ညီနောင်မဟာမိတ်(၅)ဖွဲ့သည် ဖေဖော်ဝါရီ၂၆ရက် နံနက်ပိုင်းက မုံရွာ-အမြင့်လမ်းသို့ ဆင်းလာပြီး CDMဆရာမတစ်ဦးနေအိမ်အား ဝင်ရောက်ဖျက်ဆီးခဲ့ပြီး ပြန်လာခဲ့သည့် အကြမ်းဖက်စစ်ကောင်စီတပ်အား မိုင်းဆွဲတိုက်ခိုက်ခဲ့သည်။
