▪️တိုက်ပွဲနှစ်ကြိမ်အတွင်း စစ်ကောင်စီနှင့်ပျူစောထီးအဖွဲ့ဝင် ၆ဦးသေဟုဆို
ဂန့်ဂေါမြို့နယ်တွင် ကျေးရွာများကိုမီးရှို့ပြီး ကျေးရွာလူထုများကို အကြမ်းဖက်တိုက်ခိုက်သတ်ဖြတ်နေသည့် စစ်ကောင်စီနှင့်ပျူစောထီးများကို တိုက်ခိုက်ခဲ့ရာ စစ်ကောင်စီနှင့် ပျူစောထီးများသေဆုံးထိခိုက်မှုရှိခဲ့သည်ဟု ယောဒေသကာကွယ်ရေးတပ်(YDF)က ထုတ်ပြန်သည်။
ဖေဖော်ဝါရီ ၂၈ရက်နှင့်မတ်လ ၂ ရက် တိုက်ပွဲဖြစ်စဉ်များကို YDFက ယမန်နေ့တွင် ထုတ်ပြန်လိုက်ခြင်း ဖြစ်သည်။
ဖေဖော်ဝါရီ ၂၈ရက်က ဂန့်ဂေါမြို့နယ်မြောက်ပိုင်းလယ်ကြီးကျေးရွာမှစန်းမြို့ရွာသို့စစ်ကြောင်းထိုးလာသည့် စစ်ကောင်စီနှင့်ပျူစောထီးများကိုYDFတပ်ရင်း(၁)မှခုခံတိုက်ခိုက်ခဲ့ရာစစ်ကောင်စီတပ်သားနှင့်ပျူစောထီး၅ဦးသေဆုံးခဲ့ပြီးဒဏ်ရာရသူများလည်းရှိခဲ့ ကြောင်း ဖော်ပြထားသည်။
Public Service Announcement
မတ်လ ၂ရက်တွင်လည်းဂန့်ဂေါမြို့အနီးတွင်အကြမ်းဖက်စစ်ကောင်စီနှင့်YDF တပ်ရင်း(၆) တပ်ခွဲ(၂)တို့တိုက်ပွဲဖြစ်ခဲ့ရာစစ်ကောင်စီတပ်သား တစ်ဦးသေဆုံးပြီး လေးဦးခန့်ဒဏ်ရာရရှိခဲ့သည်ဟုဆိုသည်။
အကြမ်းဖက်စစ်ကောင်စီတပ်များနှင့်ပျူစောထီးများသည်လတ်တလောတွင်ကျေးရွာများကိုမီးရှို့ဖျက်ဆီးခြင်း၊ ပြည်သူပိုင် ကျွဲ၊နွားတိရိစ္ဆာန်များကိုသတ်ဖြတ်ယူဆောင်ခြင်း၊ ပြည်သူများ၏ အဖိုးတန်အိမ်တွင်း ပစ္စည်းများကိုခိုးယူခြင်း၊အပြစ်မဲ့အရပ်သားများကိုလူသားတံတိုင်းပြုလုပ် ကင်းစောင့်ခိုင်းခြင်း၊အပြစ်မဲ့ပြည်သူများကို လက်နောက်ပြန်ကြိုးတုပ်၍ အရှင်လတ်လတ်မီးရှို့ သတ်ဖြတ်ခြင်း၊ ၎င်းတို့နှင့်မပူးပေါင်းလျင် ကျေးရွာ များကိုမီးရှို့ဖျက်ဆီးမည်ဟု ခြိမ်းခြောက်ပြောဆိုခြင်း စသည်တို့ကိုကျူးလွန်နေသည်ဟု YDFက ထုတ်ပြန်သည်။
စစ်ကောင်စီတပ်သည် ဖေဖော်ဝါရီလကုန်ပိုင်းနှင့်မတ်လဆန်းတွင် ဂန့်ဂေါမြို့နယ် သင်တောရွာ၊ ရွေဘိုရွာ၊ကံတိုးရွာ၊စမ်းမြို့ရွာ နှင့်မြင်သားကုန်းရွာ တို့ကို ဝင်ရောက်ပြီးကျေးရွာများကို မီးရှို့ခြင်း၊လူထုပိုင်ပစ္စည်းများယူဆောင်ခြင်း၊ပြည်သူများကိုသတ်ဖြတ်ခြင်း၊ဖမ်းဆီးခြင်းလုပ်ဆောင်ခဲ့သည်ဟု ဂန့်ဂေါနယ်ခံတစ်ဦးက ပြောသည်။
