စစ်ကိုင်းတိုင်း အင်းတော်မြို့နယ်တွင် စစ်ကောင်စီတပ်ယာဉ်တန်းကို ကချင်လွတ်လပ်ရေးတပ်မတော်(KIA)နှင့် ပြည်သူ့ကာကွယ်ရေးတပ်(PDF) များ ပူးပေါင်းပြီး ယနေ့ တိုက်ခိုက်ခဲ့ရာ စစ်ကောင်စီတပ်မှ ၂၅ဦးထက်မနည်းသေဆုံးခဲ့သည်ဟု အဆိုပါဒေသ တော်လှန်ရေးသတင်းများ ဖော်ပြနေသည့် Indaw Revolutionက ထုတ်ပြန် သည်။
ထီးချိုင့်မြို့နယ်ဘက်မှ တက်လာသည့် စစ်ကောင်စီယာဉ်တန်းကို ယနေ့ မတ်လ ၅ရက် နံနက်ပိုင်းတွင် အင်းတော်မြို့နယ် မော်လူးနှင့် နဘားကျေးရွာကြား၌ မိုင်းဆွဲတိုက်ခိုက်ခဲ့ပြီး လက်နက်ကြီးများအပါအဝင် အပြန်အလှ တိုက်ပွဲဖြစ်ခဲ့သည်ဟု ဆိုသည်။
ဖြစ်စဉ်အတွင်း စစ်ကားတစ်စီး ပက်လက်လှန်ကာ စစ်ကောင်စီတပ်သား ၂၅ ဦးထက်မနည်သေဆုံး၍ ၁၀ဦးခန့် ထိခိုက်ဒဏ်ရာရရှိနိုင်ကြောင်း၊ မတ်လ ၃ ရက်ကလည်း အင်းတော်နှင့် မော်လူးကြား၌ စစ်ကောင်စီယာဥ်တန်းလုံခြုံရေးယူလာသည့်တပ်ဖွဲ့ကို နေရာလေးခု၌ တိုက်ခိုက်ခဲ့ရာ စစ်ကောင်စီတပ်မှ ၈ဦးခန့် သေဆုံးကြောင်း Indaw Revolution က ဖော်ပြသည်။
ယနေ့ စစ်ကောင်စီယာဉ်တန်း တိုက်ခိုက်ခဲ့မှုကို KIA၊အင်းတော် PDFနှင့် Indaw Tiger Army တို့မှ ပူးပေါင်းဆောင်ရွက်ခဲ့သည်ဟု ဆိုသည်။
Public Service Announcement
