အဆိုပါ လှုပ်ရှားမှုကို ယနေ့ နံနက် ၈နာရီမှ နေ့လည် ၁၂ နာရီအထိ ပြုလုပ်ခဲ့ကြောင်း သိရသည်။
” ဒီလှုပ်ရှားမှုရဲ့အဓိကရည်ရွယ်ချက်ကတော့ စစ်ဘေးရှောင်နဲ့ ဒေသခံ အမျိုးသမီးတွေအတွက် ရုပ်ပိုင်း၊ စိတ်ပိုင်း ပြန်လည်ကုစားနိုင်ဖို့ရန်အပြင် အမျိုးသမီးဦးဆောင်မှုနဲ့ ပတ်သက်ပြီးတော့လည်း စိတ်ခွန်အား ပြန်လည်မွေးဖွားနိုင်ပြီး ရောက်နေတဲ့နေရာမှာ ယုံကြည်မှု အပြည့်အ၀နဲ့ ဦးဆောင်မှုအခွင့်အရေးကို ယူထားနိုင်ဖို့ပါ “ဟု ဦးဆောင်လှုပ်ရှားခဲ့သူ ကျေးလက်မြေအဖွဲ့မှ အမှုဆောင်ဒါရိုက်တာ မမူစဲက ပြောကြားခဲ့ကြောင်း News Light in Karenni က ထုတ်ပြန်သည်။
ယင်းအခမ်းအနားတွင် အပြည်ပြည်ဆိုင်ရာ အမျိုးသမီးများနေ့ ဖြစ်ပေါ်လာပုံ နောက်ခံ လှုပ်ရှားမှုသမိုင်း ပြောကြားခြင်း၊ မတူညီကွဲပြားမှုနှင့် ခွဲခြားဆက်ဆံခံရခြင်း အကြောင်း ဆွေးနွေးဖလှယ်ခြင်း၊ အားပေးစကားပြောကြားခြင်း၊ နွေဦးတော်လှန်ရေးတွင် ပါ၀င်ခဲ့ကြသော ဘာသာပေါင်းစုံမှ အမျိုးသမီး သူရဲကောင်းများအတွက် ဖယောင်းတိုင်ထွန်းဆုတောင်းခြင်းများ ပြုလုပ်ခဲ့သည်။
ထို့အပြင် နွေဦးတော်လှန်ရေးတွင် နေရာအသီးသီးတွင် ပါ၀င်ခဲ့ကြသည့် အမျိုးသမီးများ၊ မိခင်များ၊CDM များ၊ ပြည်သူ့ကာကွယ်ရေး ရဲမေများနှင့် စစ်ဘေးရှောင် အမျိုးသမီးများကို အလေးပြုခြင်း၊ တက်ရောက်လာသော အမျိုးသမီးများရင်ဖွင့်ခြင်း၊ ရင်ထိုးပန်းများတပ်ဆင်ခြင်း၊ သီချင်းဆိုခြင်း၊ စုပေါင်း ကခုန်ခြင်းနှင့် ထမီ(လုံချည် )လက်ဆောင် ပေး၀ေခြင်း အစီအစဥ်များလည်း ပြုလုပ်ခဲ့ကြကြောင်း သိရသည်။
Public Service Announcement
