ချင်းပြည်နယ် ကန်ပက်လက်မြို့သို့ စစ်ကြောင်းထိုးလာသည့် အကြမ်းဖက်စစ်တပ်နှင့် တိုက်ပွဲဖြစ်ပွားနေကာ စစ်ကောင်စီတပ်သား လေးဦးထက်မနည်းသေဆုံးကြောင်း CDF-Kanpetlet တာဝန်ရှိသူတစ်ဦးက လူထုနွေဦးသို့ ပြောသည်။
ယနေ့(မတ်လ ၇ ရက်) နံနက်ပိုင်းကစ၍ ကန်ပက်လက်မြို့ကို စစ်ကြောင်းသုံးခုခွဲ၍ အကြမ်းဖက်စစ်ကောင်စီမှ ထိုးစစ်ဆင်နေခြင်းကို CDF-Kanpetletနှင့် မဟာမိတ် တပ်ပေါင်းစုမှ ပူးပေါင်းခုခံ တိုက်ခိုက်နေသည်ဟု ဆို သည်။
“စစ်ကောင်စီရဲ့ အင်အားက ၁၅၀အထက်ရှိတယ်။လောလောဆယ် မဟာမိတ်အချို့ ကျွန်တော်တို့နဲ့ အတူ ကူတိုက်နေတယ်”ဟု အထက်ပါတာဝန်ရှိသူက ပြောသည်။
လက်ရှိစစ်ရေးအခြေအနေအရ လက်မွန်- ခါးပန်လမ်းပိုင်း၊ လက်မွန် – ကျော့တော်လမ်းပိုင်း၊ အညာကတင်း-ကန်းလောင်းလမ်းပိုင်းနှင့် ဆော- ကန်ပက်လက်လမ်းပိုင်းတို့အား လုံးဝ (လုံးဝ) အသုံးမပြုရန်လည်း CDF -Kanpetlet က အသိပေးသည်။
Public Service Announcement
ယခုနှစ် ဇန်နဝါရီ နှင့် ဖေဖော်ဝါရီလအတွင်း CDF -Kanpetletနှင့် အကြမ်းဖက်စစ်ကောင်စီတပ်ကြားထိတွေ့တိုက်ပွဲ ၉ ကြိမ်ရှိခဲ့ကာ စစ်ကောင်စီတပ်သား ၅၇ ဦး သေဆုံးပြီး ၂၀ကျော် ထိခိုက်ဒဏ်ရာရရှိခဲ့သည်ဟု CDF -Kanpetlet ဆိုသည်။
