မြေ​တော်ရဲစခန်းမှ ရဲတပ်သားတစ်ဦး လက်နက်နှင့်အတူ ပြည်သူ့ရင်ခွင်ခိုလှုံလာ

မကွေးတိုင်း မြေတော်ရဲစခန်းမှ ရဲတပ်သား အာကာစိန်သည် G-3 လက်နက်နှင့်အတူ ပြည်သူ့ရင်ခွင်ခိုလှုံလာကြောင်း ရေလယ်ကျွန်းဒေသ ပြောက်ကျားတပ်ဖွဲ့ (Yso.ISA)က ယနေ့(မတ်လ ၁၈ ရက်) ထုတ်ပြန်သည်။

ပြည်သူ့ရင်ခွင်ခိုလှုံလာသည့် ရဲတပ်သားကို ဆုကျေးငွေကျပ်သိန်း ၃၀​ပေးအပ်ပြီး လွတ်မြောက်နယ်မြေသို့ ပို့ဆောင်ပေးခဲ့ပြီဟုလည်း ဖော်ပြသည်။

“ဒီလ ၈ ရက်က ဝင်တာ။ ဒါပေမယ့် ကျွန်တော်တို့ သူ့ကို လွတ်မြောက်နယ်မြေကို ရောက်ရှိတဲ့အထိ ပို့နေရလို့ သတင်းခေတ္တ ဆိုင်းထားတာပါ”ဟု Yso.ISA အဖွဲ့တာဝန်ရှိသူက ပြောသည်။

ပြည်သူ့ရင်ခွင်ထံ ခိုလှုံလာသည့် ရဲတပ်သား အာကာစိန်၏ အချက်အလက်များအရ ရဲလုပ်သက် ငါးနှစ်ရှိပြီဖြစ်ကာ ရေစကြိုမြို့နယ် မြေတော်ရဲကင်းတွင် တာဝန်ကျ နေသူဖြစ်သည်။

Public Service Announcement

ကျန်ရှိနေသော စစ်ကောင်စီ တပ်ဖွဲ့ဝင်များလည်း CDM ပြုလုပ်လိုပါက ပြည်သူ့ရင်ခွင်မှနွေးထွေးစွာကြိုဆိုသွားမည်ဖြစ်ကြောင်း ရေလယ်ကျွန်းဒေသ ပြောက်ကျားတပ်ဖွဲ့က ဆိုသည်။