'/%3E%3C/svg%3E){kind=small}
HIV/AIDS ဝေဒနာရှင်တွေကို စောင့်ရှောက်ပေးတဲ့ ရန်ကုန်တိုင်း ၊တောင်ဒဂုံမြို့နယ် က NAC ဂေဟာ ရဲ့ တာဝန်ခံ ကိုရာဇာကို စစ်ကောင်စီဟာ အကြမ်းဖက်ပုဒ်မနဲ့စွဲဆိုထားပြီး ဒီနေ့မှာ ရုံးထုတ်မယ်လို့သိရပါတယ်။
NURTURE AIDS CENTER တာဝန်ခံ ကိုရာဇာကို မတ်လ ၂ ရက်က ဖမ်းဆီးသွားတာဖြစ်ပြီး အဲဒီနောက် အကြမ်းဖက်မှုကို ငွေကြေးထောက်ပံ့တယ်ဆိုကာ အကြမ်းဖက်မှုပုဒ်မ ၅၀ (ည)နဲ့တရားစွဲဆိုထားတာပါ။
ဒီပုဒ်မဟာ ထောင်ဒဏ် ဆယ်နှစ်ကနေ ထောင်တစ်သက်အထိချလို့ရတဲ့ပုဒ်မလည်းဖြစ်ပါတယ်။
နိုင်ငံတဝှမ်းက HIV/AIDS ဝေဒနာရှင်တွေကို ပြုစုစောင့်ရှောက်ပေးနေတဲ့ NURTURE AIDS CENTER ကို NLD လွှတ်တော်ကိုယ်စားလှယ် ဒေါ်ဖြူဖြူသင်းက ဦးဆောင်ကာ ၂၀၀၂ ခုနှစ်မှာ တည်ထောင်ခဲ့တာပါ။
Public Service Announcement
အဲဒီဂေဟာမှာ လူနာ ၁၆၀ကျော်ရှိကာ ကလေးလူနာက ၁၀၀ ကျော်ရှိတယ်လို့ သိရပါတယ်။
ဂေဟာတာဝန်ခံ ကိုရာဇာကို စစ်ကောင်စီက ဖမ်းဆီးတရားစွဲထားတဲ့အတွက် ဂေဟာမှာရှိတဲ့ ဝေဒနာရှင်တွေအတွက်လည်းအခက်တွေ့နေကြပါတယ်။
