အကြမ်းဖက်စစ်ကောင်စီလက်အောက်ခံ တပ်ဖွဲ့ဖြစ်သည့် နယ်ခြားစောင့်တပ်ဖွဲ့(BGF) မှ တပ်ဖွဲ့ဝင်တစ်ဦးလက်နက်အပြည့်အစုံဖြင့် အလင်းဝင်လာကြောင်း ကရင်အမျိုးသားအစည်းအရုံး(KNU) တပ်မဟာ(၅)က သတင်းထုတ်ပြန်သည်။
ယမန်နေ့ (မတ်လ ၁၇)တွင် BGFတပ်ရင်း(၁၀၁၆)မှ တပ်သားအဆင့်ရှိ စောမော်ဝါးသည် တပ်မဟာ(၅) လက်အောက်ရှိ တပ်ရင်း(၁၀၂)၊ တပ်ခွဲ(၃)သို့ လက်နက်ခဲယမ်းအပြည့်အစုံနှင့်အတူ အလင်းဝင်လာကြောင်း ရှေ့တန်းစခန်းရှိတာဝန်ရှိသူက သတင်းပေးပို့လာသည်ဟုဖော်ပြထားသည်။
BGF တပ်ဖွဲ့ဝင်နှင့်အတူ M-16 ARတစ်လက်၊ ကျည်ကာ(၃)ချပ်နှင့် ကျည်ဆံ(၃၀၀)ပါရှိသည်ဟု ဆိုသည်။
အဆိုပါ BGFတပ်ဖွဲ့ဝင်သည် ဘားအံဇာတိ ဖြစ်ကြောင်း၊ ၎င်း၏အထက်အရာရှိများ၏ အမိန့်စေခိုင်းချက်ဖြင့် ကရင်အချင်းချင်းအားပြည်လည်တိုက်ခိုက်စေရန်သော်လည်းကောင်း အပစ်မဲ့ပြည်သူများအားသတ်ဖြတ်ရန်သော်လည်းကောင်း အမိန့်ပေးစေခိုင်းမှုအားမပြုလုပ်လို့၍ အလင်းဝင်လာခြင်းဖြစ်သည်ဟု အဆိုပါ တပ်ဖွဲ့ဝင်ကပြောကြားကြောင်း KNU တပ်မဟာ(၅)က သတင်းထုတ်ပြန်ခဲ့သည်။
Public Service Announcement
