ဘဂ်လားပင်လယ်အော်မှ အပူပိုင်းမုန်တိုင်းသည် မြန်မာနိုင်ငံသို့ မလွဲမသွေသက်ရောက်နိုင်ပြီး ဧရာဝတီနှင့် ရခိုင်ဒေသကို ဖြတ်၍ ဝင်ရောက်နိုင်ကြောင်းအမျိုးသားညီညွတ်ရေးအစိုးရ၊လူသားချင်းစားနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာနကသတိပေးချက်
ထုတ်ပြန်သည်။
၂၄ နာရီအတွင်းလေးဖိအားနည်းရပ်ဝန်းမှမုန်တိုင်းအဖြစ်အားကောင်းလာမည့်အပူပိုင်းမုန်တိုင်းသည် မတ်လ၊ (၂၂) ရက်နေ့တွင် မြန်မာနိုင်ငံ မော်တင်စွန်း အထက်နားမှဖြတ်ကျော်ပြီး (၂၃) ရက်နေ့တွင် စစ်တွေနှင့်ကျောက်ဖြူမြို့ကြားမှ ဖြတ်ကျော် ဝင်ရောက်နိုင်သည်ဟုလူသားချင်းစားနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန မတ်လ ၁၉ရက်ညတွင် သတိပေးချက်ထုတ်ပြန်ထားသည်။
မုန်တိုင်းအဓိကသက်ရောက်နိုင်သောဒေသများမှာ ဧရာဝတီမြစ်ဝကျွန်းပေါ်ဒေသ၊မော်တင်စွန်းထိပ်နှင့်ရခိုင်ကမ်းရိုးတန်းဒေသရှိ စစ်တွေနှင့် ကျောက်ဖြူကြားဖြစ်ကြောင်းလည်းအသေးစိတ် ရှင်းပြထားသည်။ မြန်မာ့ကမ်းရိုးတန်းအနီးသို့ မုန်တိုင်းရောက်ရှိပြီး ကမ်းရိုးတန်းကို ဖြတ်ကျော်ချိန်တွင် အားအနည်းငယ်လျော့သွားပြီး အားကောင်းသောလေဖိအားနည်းရပ်ဝန်းအဆင့်ဖြင့် ဖြတ်ကျော်နိုင်သည်ဟု လည်း ခန့်မှန်းတွက်ချက်ထားသည်။
မုန်တိုင်းကမ်းရိုးတန်းသို့ မဝင်မီ မတ်လ ၂၀၊၂၁ရက်တွင် ပင်လယ်၌ မိုးနှင့်လေပြင်း အလွန်အားပြင်းနိုင်သည်ဟု အိန္ဒိယမိုးလေဝသဌာန(IMD)က သတိပေး ထားသည်။
Public Service Announcement
မုန်တိုင်းအန္တရာယ်ရှောင်လွှဲနိုင်ရေးအတွက် ယခုရက်ပိုင်းတွင်ကမ်းနီး၊ ကမ်းဝေး ငါးဖမ်းခြင်းနှင့် ပင်လယ်ပြင် ခရီးသွားလာခြင်းများကို ရှောင်ရှားသင့်ကြောင်းနှင့်ကမ်းရိုးတန်းအနီး မြေနိမ့်ဒေသများတွင် နေထိုင်သော ဒေသခံ ပြည်သူများအနေဖြင့်ဒီရေမြင့်တက် လာနိုင်သည့်အန္တရာယ်ကိုလည်း သတိပြုနေထိုင်သင့်ကြောင်း လူသားချင်းစားနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေးဦးစီးဌာနက သတိပေးထားသည်။
ရခိုင်ပြည်နယ်ကမ်းရိုးတန်းဒေသအချို့နှင့် ဧရာဝတီဒေသအချို့တွင် မတ်လ ၁၉ရက်ကတည်းက မိုးစတင်ရွာသွန်းပြီး တခါတရံတွင် လေပြင်းလည်း တိုက်ခတ်သည်ဟု ဒေသခံများကပြောသည်။
ယခုဖြစ်ပေါ်နေသောမုန်တိုင်းသည်အမည်တပ်ဆိုင်ကလုန်းမုန်တိုင်းအထိ့အားကောင်းလာနိုင်ပြီး Asani မုန်တိုင်းဟုအမည်ပေးထားပြီး သိရိလက်ာနိူင်ငံက အမည်ပေး ထားခြင်းဖြစ်သည်။ မုန်တိုင်းအရှိန်ကြောင့် ပင်လယ်နှင့် ကမ်းရိုးတန်းဒေသများတွင် မိုးသည်းထန်စွာရွာနိုင်သည်ဟုIMDကသတိပေး ထားသည်။
မုန်တိုင်းသည် ယနေ့(မတ်လ ၂၀ရက်)တွင် လေတိုက်နှုန်း တစ်နာရီမိုင် ၆၀မှ၇၅မိုင်အတွင်း ရှိနိုင်ကြောင်းနှင့် ကမ်းရိုးတန်းသို့ မုန်တိုင်းဝင်ရောက်ချိန်တွင် လေတိုက်နှုန်း တစ်နာရီမိုင် ၇၀မှ ၉၀မိုင်အတွင်း တိုက်ခတ်နိုင်ကြောင်း IMDက သတိပေးထားသည်။ဘဂ်လားဒေရှ်နှင့် ရခိုင်ကမ်းရိုးတန်းအပါအဝင်မြန်မာနိုင်ငံမြောက်ပိုင်းဒေသသို့မုန်တိုင်းဝင်ရောက်နိုင်ကြောင်း လည်း အိန္ဒိယမိုးလေးဝသဌာနက ခန့်မှန်းတွက်ချက်ထားသည်။
မုန်တိုင်းသတင်းကို အဆက်မပြတ်နားထောင်နေရန် လူသားချင်းစားနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေးဦးစီးဌာနက တိုက်တွန်းထားသည်။
