သင်္ကြန်ကာလအတွင်း စစ်ဆင်ရေးအရှိန်မြှင့်မည်ဖြစ်သောကြောင့် ပြည်သူများအနေဖြင့် မုံရွာမြို့လမ်းပိုင်းများနှင့်ပတ်သက်ပြီး ပြည်သူများ အသုံးမပြုရန် ပိတ်ထားမည့် လမ်းပိုင်းများကို ချိုမိုင်မိုင် “ယင်းမာပင် – ကနီ မဟာမိတ်တပ်ပေါင်းစုက အသိပေးလိုက်သည်။
သင်္ကြန်ကာလတွင် မုံရွာ – ကလေး၀လမ်းပိုင်း၊ မုံရွာ – ပုသိမ်လမ်းပိုင်း နှင့် မုံရွာ – ယင်းမာပင် – ပုလဲ လမ်းပိုင်းကို ပြည်သူများ အသုံးမပြုရန်၊ အသုံးပြုခဲ့မည်ဆိုပါက ဖြစ်ပေါ်လာမည့် ကိစ္စရပ်များကိုတာဝန်ယူမည် မဟုတ်ကြောင်း သတိပေးသည်။
“ကျွန်တော်တို့ စစ်ဆင်ရေးတွေလုပ်ဆောင်တဲ့အခါ ပြည်သူတွေကို မထိစေချင်ဘူး။အဲဒါကြောင့် ပြည်သူတွေဘက်က အပြည့်အဝ ပူးပေါင်းပေးပါ”ဟု အထက်ပါတပ်ပေါင်းစုတာဝန်ရှိသူက People’s Springသို့ ပြောသည်။
ပြည်သူများအနေဖြင့် သင်္ကြန်မဏ္ဍပ်များသို့ သွားရောက်လည်ပတ် ပျော်ပါးခြင်း၊ လူစည်ကားရာနေရာများသို့ သွားရောက် ရေကစားခြင်းကို အထူးရှောင်ရှားလည်း ထပ်ဆင့် သတိပေးသည်။
အကြမ်းဖက်စစ်ကောင်စီက သင်္ကြန်ပွဲတော်ကို စည်းကားစွာကျင်းပနိုင်ရန် မြို့နယ်အလိုက် မဏ္ဍပ်များဆောက် လုပ်နိုင်ရေး ဖိအားပေးလျှက်ရှိသည်။
ထို့ကြောင့် စစ်အုပ်စု၏ အတုအယောင်ဝါဒဖြန့် သင်္ကြန်ပွဲတော်ပါဝင်ဆင်နွှဲခြင်းမလုပ်ရန်နှင့် တိုက်ခိုက်မှုများပြုလုပ်သွားမည်ဟု တော်လှန်ရေးအင်အားစုများက ထုတ်ပြန်ထားသည်။