ကူမဲမြို့ ရန်ကုန် – မန္တလေးလမ်း​ဟောင်းတွင် စစ်ကောင်စီ၏ ရဲတပ်ဖွဲ့ဝင်တစ်ဦးအား သုတ်သင်ရှင်းလင်း

မန္တလေးတိုင်း၊ ကျောက်ဆည်ခရိုင် ကူမဲမြို့ ရန်ကုန် – မန္တလေးလမ်း​ဟောင်းတွင် အကြမ်းဖက်စစ်ကောင်စီ၏ ရဲတပ်ဖွဲ့ဝင်တစ်ဦးအား သုတ်သင်ရှင်းလင်းခဲ့ကြောင်း ကျောက်ဆည်ခရိုင်ကာကွယ်ရေးတပ်ဖွဲ့(K.D.D.F)က ထုတ်ပြန်သည်။

ယနေ့(ဇူလိုင် ၁၄ရက်) နံနက် ၉နာရီ ၁၅မိနစ်က ကူမဲမြို့၊ ရန်ကုန် – မန္တလေးလမ်းဟောင်းပေါ်၌ ဆိုင်ကယ်ဖြင့်သွားလာနေသော ယူနီဖောင်းဝတ် စစ်ကောင်စီတပ်ဖွဲ့ဝင် ရဲတစ်ဦးအား ပူးပေါင်းမဟာမိတ်အဖွဲ့က ရှင်းလင်းသုတ်သင်ခဲ့ခြင်းဖြစ်ကြောင်း KDDF အဖွဲ့၏ ထုတ်ပြန်ချက်တွင် ဖော်ပြသည်။

အထက်ပါဖြစ်စဥ်အား ကျောက်ဆည်ခရိုင်ကာကွယ်ရေးတပ်ဖွဲ့(K.D.D.F)၊ BARMAHTE PEOPLE DEFENSE FORCE နှင့် URBAN GUERRILLA FORCE – KUME တို့က ပူးပေါင်းဆောင်ရွက်ခဲ့ကြောင်း ၎င်းတို့က အသိပေးသည်။

ဖြစ်စဥ်နှင့်ပတ်သက်၍ ကျောက်ဆည်ခရိုင်ကာကွယ်ရေးတပ်ဖွဲ့(K.D.D.F)ထံ ဆက်သွယ်မေးမြန်းထားပြီး ပြန် လည် ဖြေကြားခြင်းမရှိသေးပေ။ သေဆုံးထိခိုက်မှုအခြေအနေနှင့်ပတ်သက်၍ People’s Spring က ထပ်မံအတည်ပြုနိုင်ခြင်း မရှိသေးပေ။

Public Service Announcement

ကျောက်ဆည်ခရိုင်ကာကွယ်ရေးတပ်ဖွဲ့ (K.D.D.F)နှင့် BARMAHTE PEOPLE DEFENSE FORCEတို့ ပူးပေါင်းမဟာမိတ်တပ်ဖွဲ့သည် ဇွန်လ ၂၉ရက်ကလည်း ကျောက်ဆည်မြို့နယ်၊ ညောင်ပင်ဇောက်ကျေးရွာအနီး ကျောက်ဆည်-တံတားဦး ခရိုင်ပတ်လမ်းပေါ်တွင် တပ်စွဲထားသော စစ်ကောင်စီတပ်ဖွဲ့ဝင်များအား အီနာဂါဗုံးသီးဖြင့် တိုက်ခိုက်ခဲ့သေးသည်။