စစ်ကိုင်းတိုင်း၊ မုံရွာခရိုင်အခြေစိုက် People’s Defence Force – South Monywa အဖွဲ့အမည် အသုံးပြုကာ ငွေလိမ်ကောက်ခံမှုများရှိနေကြောင်း PDF South Monywaက အသိပေးသည်။
People’s Defence Force – South Monywa ၏ ဂုဏ်ပြုမှတ်တမ်းလွှာအား အတုပြုလုပ်ခြင်း၊ ဂုဏ်ပြုမှတ်တမ်းလွှာအစစ်အား တနည်းနည်းဖြင့်ရရှိသွား၍ PDF – South Monywa နာမည်ခံပြီး ရန်ပုံငွေများ လိမ်လည်ကောက်ခံကာ ဂုဏ်ပြုမှတ်တမ်းလွှာများ ထုတ်ပေးနေသည်ဟု ကြားသိရကြောင်း၊ လိမ်လည်ခံရသူများက Page နှင့် တာဝန်ရှိသူများအား ဆက်သွယ်ပြသတိုင်ကြားမှုများ ရှိနေကြောင်း PDF South Monywaက ပြောသည်။
People’s Defence Force – South Monywa သည် ရန်ပုံငွေနှင့် ထောက်ပံ့ပစ္စည်းများလက်ခံရရှိပါက ဂုဏ်ပြုမှတ်တမ်းလွှာများကို Page တွင် တရားဝင် ဖေါ်ပြပေးနေသည်။
Pageတွင် ဖေါ်ပြမထားသော ရန်ပုံငွေများနှင့် ထောက်ပံ့ပစ္စည်းများသည် People’s Defence Force – South Monywa သို့ ရောက်ရှိလာခြင်းမရှိသလို ထိုရန်ပုံငွေများနှင့် ထောက်ပံ့ပစ္စည်းများ ရယူသွားသောသူများမှာလည်း အဖွဲ့အစည်းမှ မဟုတ်ကြောင်း PDF South Monywaက ပြောသည်။
Public Service Announcement
PDF South Monywa အဖွဲ့ တာဝန်ရှိသူက”ကျွန်တော်တို့အဖွဲ့နာမည်ကိုအသုံးပြုပြီး ပြည်သူတွေဆီမှာရော၊ ထောက်ပို့အဖွဲ့တွေဆီမှာပါ လိမ်လည်အလှူခံနေကြောင်းကြားရလို့ပါဗျ။ဂုဏ်ပြုမှတ်တမ်းလွှာ အတုတွေနဲ့ထုတ်ပေးပြီး လိမ်လည်နေတာတွေပါ ကြားသိနေရလို့ပါ။ကျွန်တော်တို့အဖွဲ့နာမည်နဲ့လာပြီး အလှူခံတဲ့သူတွေကို ကျွန်တော်တို့အဖွဲ့ရဲ့ တာဝန်ခံ၊ရဲဘော် ဟုတ်မဟုတ်ဆိုတာ Page messenger မှာလာရောက်မေးမြန်းပြီးမှ လှူဒါန်းပေးကြဖို့ရာကြေညာထားတာပါ။”ဟု ပြောကြားသည်။
သို့ဖြစ်၍ PDF – South Monywa သို့ ရန်ပုံငွေ ထည့်ဝင်ထောက်ပံ့ပေးမည်ဆိုပါက Page သို့ ဆက်သွယ်ပေးကြရန်နှင့် လိမ်လည်ခံရသူများအနေဖြင့် ဆက်သွယ်ပြောကြားပေးရန် PDF South Monywaက မေတ္တာရပ်ခံသည်။
