Connect with us

Hi, what are you looking for?

LuduNwayOo

သတင်း

ရိုဟင်ဂျာပြည်သူများ၏ ပညာရေးအတွက် လုပ်ဆောင်မည့်အစီအစဥ် NUG ထုတ်ပြန်

အထက်ပါတွေ့ဆုံပွဲတွင် ပညာရေးဝန်ကြီးဒေါက်တာဇော်ဝေစိုး၊ လူ့အခွင့်အရေးဝန်ကြီးဌာန ဝန်ကြီး ဦးအောင်မျိုးမင်း၊ ပညာရေးဒုတိယဝန်ကြီးများ ဖြစ်သော ဒေါက်တာစိုင်းခိုင်မျိုးထွန်းနှင့် ဆရာမဂျာထွယ်ပန်၊ ၊ ရိုဟင်ဂျာပညာရေးခေါင်းဆောင်များက အသီးသီး အဖွင့်အမှာစကား ပြောကြားခဲ့ကြောင်း ဖော်ပြသည်။

ရိုဟင်ဂျာပြည်သူများ၏ ပညာရေးအတွက် လုပ်ဆောင်မည့်အစီအစဥ် NUG ထုတ်ပြန်
ရိုဟင်ဂျာပြည်သူများ၏ ပညာရေးအတွက် လုပ်ဆောင်မည့်အစီအစဥ် NUG ထုတ်ပြန်

အမျိုးသားညီညွတ်ရေးအစိုးရ၊ ပညာရေးဝန်ကြီးဌာနသည် တရားမျှတမှုနှင့် တာဝန်ယူမှုကို အခြေပြု၍ ရိုဟင်ဂျာပြည်သူများ၏ အခြေခံလူ့အခွင့်အရေးတစ်ခုဖြစ်သော ပညာရေးအတွက် ကြိုးပမ်းဆောင်ရွက်မှုများကို လုပ်ဆောင်နိုင်ရန်စီစဉ်နေကြောင်း ယနေ့ထုတ်ပြန်သည်။

ပြီးခဲ့သည့် စက်တင်ဘာ ၉ရက်တွင် NUG ပညာရေးဝန်ကြီးဌာနသည် ရိုဟင်ဂျာပညာရေး ခေါင်းဆောင်များနှင့် ကြားကာလပညာရေးဆောင်ရွက်နေသော အဆင့်မြင့်ပညာရေးအဖွဲ့အစည်းများတွေ့ဆုံ ဆွေးနွေးခဲ့ပြီး ရိုဟင်ဂျာလူငယ်လူရွယ်များ၏ ပညာရေးအခွင့်အလမ်း လွန်စွာ ဆုံးရှုံး နစ်နာနေမှုကို အဆုံးသတ်ရန် အချက် ၄ ချက်ကို လုပ်ဆောင်ရန် သဘောတူဆုံးဖြတ် ခဲ့ကြောင်း ဖော်ပြသည်။

ရိုဟင်ဂျာပြည်သူများ၏ ပညာရေးအတွက် လုပ်ဆောင်မည့်အစီအစဥ် NUG ထုတ်ပြန်
ရိုဟင်ဂျာပြည်သူများ၏ ပညာရေးအတွက် လုပ်ဆောင်မည့်အစီအစဥ် NUG ထုတ်ပြန်

ယင်းအချက်များမှာ NUG ပညာရေးဝန်ကြီးဌာနရှိ အခြေခံပညာရေး၊ အဆင့်မြင့်ပညာရေး၊ သက်မွေး ပညာရေးနှင့် ဆရာအတတ်ပညာရေးကဏ္ဍများအပြင် ပညာရေးဝန်ကြီး ဌာနနှင့် ချိတ်ဆက်နေသော တက္ကသိုလ်များ၊ မိတ်ဖက်ပညာရေးအဖွဲ့အစည်းများ ၏ ပညာရေး အစီအစဉ် များတွင် ရိုဟင်ဂျာများအား ပါဝင်ခွင့်ပြုရန်၊ ပညာရေးကဏ္ဍအသီးသီးအလိုက်တွေ့ဆုံပူးပေါင်းနိုင်ရေး ဆက်လက် ဆောင်ရွက်ရန်၊ ရိုဟင်ဂျာလူငယ်များ ပညာသင်ခွင့်အကူအညီများထောက်ပံ့နိုင်ရေးအတွက် နိုင်ငံတကာ ဖွံ့ဖြိုးမှုအဖွဲ့အစည်းများ နှင့် ချိတ်ဆက်ဆောင်ရွက်ရန်နှင့် ရိုဟင်ဂျာလူငယ်ပညာတတ်များပိုမိုများပြားလာစေရန် မူဝါဒများ၊ အစီအစဉ်များချမှတ်ကာ အကောင်အထည်ဖော်နိုင်ရန် တို့ဖြစ်သည်။

အထက်ပါတွေ့ဆုံပွဲတွင် ပညာရေးဝန်ကြီးဒေါက်တာဇော်ဝေစိုး၊ လူ့အခွင့်အရေးဝန်ကြီးဌာန ဝန်ကြီး ဦးအောင်မျိုးမင်း၊ ပညာရေးဒုတိယဝန်ကြီးများ ဖြစ်သော ဒေါက်တာစိုင်းခိုင်မျိုးထွန်းနှင့် ဆရာမဂျာထွယ်ပန်၊ ၊ ရိုဟင်ဂျာပညာရေးခေါင်းဆောင်များက အသီးသီး အဖွင့်အမှာစကား ပြောကြားခဲ့ကြောင်း ဖော်ပြသည်။

Public Service Announcement

Public Service Announcement

ရိုဟင်ဂျာပြည်သူများ၏ ပညာရေးအတွက် လုပ်ဆောင်မည့်အစီအစဥ် NUG ထုတ်ပြန်
ရိုဟင်ဂျာပြည်သူများ၏ ပညာရေးအတွက် လုပ်ဆောင်မည့်အစီအစဥ် NUG ထုတ်ပြန်

ဆက်လက်ပြီး ရိုဟင်ဂျာ ပညာရေးခေါင်းဆောင်များက ဒုက္ခသည်စခန်းများတွင် ရိုဟင်ဂျာလူငယ်များ ပညာသင်ကြားသင်ယူနေရမှု အခြေအနေများကို ဆွေးနွေးခဲ့ပြီး အမျိုးသားညီညွတ်ရေး အစိုးရနှင့် ချိတ်ဆက်ဆောင်ရွက်နေသော ကြားကာလအဆင့်မြင့် ပညာရေးအဖွဲ့အစည်းများကလည်း ၎င်းတို့ တက္ကသိုလ်နှင့် ပညာရေးအဖွဲ့အစည်းအသီးသီးတွင် ဆောင်ရွက်နေသော ပညာရေးအစီအစဉ်များနှင့် ရိုဟင်ဂျာ လူငယ်များအတွက် ဆောင်ရွက်ပေးနိုင်သော ပညာရေး အစီအစဉ်များကို ရှင်းလင်းတင်ပြခဲ့ကြောင်း ထုတ်ပြန်သည်။

ဝေးလံခေါင်ပါးသည့် နယ်စပ်ဒေသတွင် နေထိုင်သူများဖြစ်ပြီး၊ ခေတ်အဆက်အဆက် အခြေခံလူ့အခွင့်အရေးများ မရရှိခဲ့ခြင်း၊ ပညာရေးကဏ္ဍတွင် တက္ကသိုလ်ပညာရေးနှင့် အဆင့်မြင့်ပညာများအား လက်လှမ်းမီခွင့် မရရှိခဲ့ခြင်းကြောင့် လည်းကောင်း၊ စစ်တပ်၏ အကြမ်းဖက် စစ်ဆင်ရေးကြောင့် လူနေမှုပုံစံများ ကစဉ်ကလျားဖြစ်ကာ ကျေးရွာများ မီးရှို့ခံရခြင်း၊ အကြောင်းမဲ့ဖမ်းဆီးခံရခြင်းနှင့် စစ်တပ်၏ လူသားမျိုးနွယ်အပေါ် ပစ်မှတ်ထား ကျူးလွန်သည့် ရာဇဝတ်မှုများ ကျူးလွန်ခံရခြင်းကြောင့် လည်းကောင်း၊ တဖက် ဘင်္ဂလားဒေ့ရှ်နိုင်ငံသို့ သိန်းနှင့်ချီ၍ အစုံလိုက်အပြုံလိုက် ထွက်ပြေး တိမ်းရှောင်နေရခြင်းကြောင့် လည်းကောင်း ရိုဟင်ဂျာလူငယ်လူရွယ်များ၏ ပညာရေးအခွင့်အလမ်းမှာ လွန်စွာဆုံးရှုံး နစ်နာနေကြောင်း NUG ပညာရေး၀န်ကြီးဌာနက ထုတ်ပြန်သည်။

ဆက်စပ်သတင်းများ

သတင်း

အခြေခံပြည်သူများ အဓိကထားဝယ်ယူသုံးစွဲကြ​သော စားအုန်းဆီ​ဈေးတက်ပြီးရှားပါးပြတ်လပ်လာမှု​ကြောင့် ပြည်သူများအခက်​တွေ့​နေကြသည်။

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

ဘာသာပြန် ဆောင်းပါး

မြန်မာနိုင်ငံရဲ့ ပဋိပက္ခတွေဟာ ဖြေရှင်းလို့ မရတဲ့ အခြေအနေ မဟုတ်ပါဘူး။ နိုင်ငံရဲ့ တည်ငြိမ်အေးချမ်းမှုကို တကယ်တမ်း လိုလားတယ်ဆိုရင် နိုင်ငံတကာ အသိုက်အဝန်းဟာ ပြည်သူတွေရဲ့ စိတ်ဆန္ဒကို အမှန်တကယ် ထင်ဟပ် ကိုယ်စားပြုတဲ့ လှုပ်ရှားမှုတွေမှာ အားပေး ထောက်ခံရပါမယ်။

သတင်း

ယခု ဇွန်လဆန်းပိုင်းမှ စတင်၍ စစ်ကောင်စီသည် ပြည်သူလူထု အများဆုံးအသုံးပြုသည့် ဖေ့ဘုတ်နှင့် မက်ဆန်ဂျာ အသုံးပြုမှုခက်ခဲစေရန် VPN ပိတ်ဆို့မှုကို တိုးမြှင့်လုပ်ဆောင်နေ​ကြောင်း သိရသည်။