မန္တလေးတိုင်း၊ သပိတ်ကျင်းမြို့နယ်အတွင်းရှိ မန္တလေး-ဗန်းမော်လမ်းပိုင်း၌ ဖြတ်သန်းသွားလာကြမည့်မော်တော်ယာဥ်နှင့်ပြည်သူများ လိုက်နာရမည့်အချက် သုံးချက်အား ပြည်သူ့ကာကွယ်ရေးတပ်ဖွဲ့-ကြာညှပ်က သတိပေးကြေညာသည်။
စက်တင်ဘာ ၃၀ ရက်မှစ၍ မန္တလေး-ဗန်းမော်လမ်းပိုင်း၌ သပိတ်ကျင်းမြို့နယ် (၇)မိုင်ကျေးရွာမှ မြို့နယ်ဧရိယာအဆုံးထိ နံနက် ၆ နာရီမှ ညနေ ၆ နာရီအတွင်း သွားလာနေသော ယာဉ်များ ကားမှန်များချကာ မောင်းနှင်ကြရန်၊ညနေ၆ နာရီမှ နောက်တနေ့နံနက် ၆ နာရီအတွင်း မောင်းနှင်သွားလာခြင်းမပြုရန် ပြည်သူ့ကာကွယ်ရေးတပ်ဖွဲ့-ကြာညှပ်က ယမန်နေ့ (အောက်တိုဘာ ၁ ရက်)တွင် ထုတ်ပြန်ကြေညာသည်။
ထို့အပြင် ကားလမ်းမကြီး လမ်းဘေးဝဲယာတွင် ဆိတ်၊ နွား၊ ကျွဲများ ထိန်းကျောင်းခြင်းမပြုရန် ထပ်မံသတိပေးသည်။
ဖော်ပြပါ သုံးချက်ကို လိုက်နာဆောင်ရွက်ကြရန် သတိပေးလိုက်နာမှုမရှိဘဲ ဖြစ်ပေါ်လာသော နောက်ဆက်တွဲအကျိူးသက်ရောက်မှုများကို တာဝန်ယူမည်မဟုတ်ဟု ပြည်သူ့ကာကွယ်ရေးတပ်ဖွဲ့-ကြာညှပ်က သတိပေးထားသည်။
Public Service Announcement
စက်တင်ဘာလ ၂၅ ရက်ဝန်းကျင်က သပိတ်ကျင်းနှင့် စဉ့်ကူးမြို့နယ်မြောက်ဖျားတွင် စစ်ကောင် စီတပ်က ကင်းပုန်းဝတ်ခြင်း၊ တောနင်းရှာဖွေခြင်း၊ရွှေလုပ်ကွက်များရှိ ရွှေလုပ်သားများအား ဖမ်းဆီးခြင်းများပြုလုပ်နေကြောင်း ဒေသခံများက ပြောသည်။
