တော်လှန်ရေးအတွက်ကျောက်စိမ်းလှူဒါန်းခဲ့တဲ့ အညာကမိသားစု

စစ်ကောင်စီအားတော်လှန်တိုက်ခိုက်နေသည့်စစ်ကိုင်းတိုင်းအခြေစိုက် 96 Soldiers-PDF (အညာဒေသတပ်ခွဲ)သို့ အညာဒေသရှိမိသားစုတစ်စုက မိသားစုပိုင်ကျောက်စိမ်းများကိုလှူဒါန်းခဲ့သည်။

အညာဒေသမှ မိသားစုတစ်စုသည် ၎င်းတို့ပိုင်ဆိုင်သော ကျောက်စိမ်းအတွဲ ၃တွဲကို တော်လှန်ရေးအတွက်အသုံးပြုရန်လာရောက်ထည့်ဝင်လှူဒါန်းခဲ့ကြောင်း 96 Soldiers-PDF(အညာဒေသတပ်ခွဲ) ပြန်ကြားရေးတာဝန်ခံက ပြောသည်။

“သူတို့ကတော့ တော်လှန်ရေးမှာ အသုံးပြုဖို့အတွက် သူတို့ရဲ့ မိသားစုပိုင်ပစ္စည်းလေးကို လှူန်ဒါန်းတာပါ။”ဟု96 Soldiers-PDF(အညာဒေသတပ်ခွဲ) ပြန်ကြားရေးတာဝန်ခံက ပြောသည်။

ထိုကျောက်စိမ်းတွဲငယ်များကို တော်လှန်ရေးအတွက် လာရောက်ထည့်ဝင်သွားသော မိသားစုအား အထူးကျေးဇူးတင်ကြောင်း၊ အဆိုပါ ကျောက်စိမ်းများကို မကြာမီအချိန်တွင်တော်လှန်ရေး ရံပုံငွေအတွက်အသုံးပြုရန် မဲလက်မှတ်များ ရောင်းချသွားမည်ဟု 96 Soldiers-PDF(အညာဒေသတပ်ခွဲ) ပြန်ကြားရေးတာဝန်ခံက ပြောသည်။

Public Service Announcement

အာဏာသိမ်းစစ်ကောင်စီတပ်အား ပြင်းပြင်းထန်ထန်တုံ့ပြန်နေသည့် စစ်ကိုင်းတိုင်းနှင့် မကွေးတိုင်းတို့တွင် ဒေသခံပြည်သူများက ဒေသတွင်းပြည်သူ့ကာကွယ်ရေးအဖွဲ့များအား ရွှေငွေလက်ဝတ်ရတနာများ မကြာခဏလှူဒါန်း​ကြသည်။