စစ်ကိုင်းတိုင်း၊ အရာတော် – မုံရွာလမ်းပိုင်းအား ယနေ့နံနက်ပိုင်းမှ စတင်ကာ ဖြတ်သန်းခွင့်ယာယီပိတ်ထားလိုက်ကြောင်း အရာတော်မြို့နယ် ပြည်သူ့ကာကွယ် ရေးအဖွဲ့က ထုတ်ပြန်ကြေညာသည်။
ယနေ့ (အောက်တိုဘာ၁၅ရက်) နံနက်ပိုင်းမှစပြီး အရာတော် – မုံရွာလမ်းပိုင်းအား ထပ်မံကြေညာချက်မထုတ်မပြန်မချင်း သွားလာအသုံးပြုခြင်း ရပ်နားထားပေးပါရန် အရာတော်(ပကဖ)က အသိပေးသည်။
အရာတော် – မုံရွာလမ်းပေါ်တွင် စစ်ကောင်စီ တပ်သားများသည် ကမ်းပြူချောင်းတဝိုက်နှင့်ကျွန်းဖိုပင်ရွာတွင် ရောက်ရှိနေသည်။
ထို့အပြင် မုံရွာမြို့ဘက်အခြမ်းတွင်လည်း တားဆီးစစ်ဆေးမှုများရှိနေကြောင်း အရာတော် (ပကဖ)က သတိပေးသည်။
သို့သော် မဖြစ်မနေ သွားလာကြရမည့် ပြည်သူ များအနေဖြင့် စစ်ကောင်စီကားများ၊ ယာဉ်တန်းများဖြင့်ကပ်လိုက်ခြင်းမပြုရန်၊ မိုးကာအုပ်၍ မောင်းနှင်ခြင်းမပြုရန်နှင့် စစ်ကောင်စီတပ်သားများ၏ လှုပ်ရှားမှုများ( ကင်းပုန်းများ၊ ဦးတည်ရွေ့လျားမှုများ၊ ချောဆွဲခံနေရသော ကားနံပါတ် ၊ အမျိုးအစားအရောင် စသည်ဖြင့်) တွေ့ရှိခဲ့ပါက တော်လှန်ရေး ရဲဘော်များထံ သတင်းပေးပို့ခြင်းဖြင့် ကူညီပေးပါရန် အရာတော်ပကဖအဖွဲ့က မေတ္တာရပ်ခံထားသည်။