ကရင်လူမျိုးများအနေဖြင့် လွတ်လပ်မှုကို အမြန်ဆုံးရရှိစေရန် ရည်မှန်းချက်ပန်းတိုင် ဦးတည်ချက်တူညီသူများနှင့် ပေါင်းစည်းကာ ရန်သူများကို တိုက်ထုတ်ရမည်ဟု ကော်သူးလေတပ်မတော်(KTLA)စစ်ဦးစီးချုပ် စောနယ်ဒါးမြက ပြောသည်။
လာမည့် ဒီဇင်ဘာလ(၂၂)ရက်တွင် ကျရောက်မည့် ကရင်သက္ကရာဇ် (၂၇၆၂)ခုနှစ် ကရင်နှစ်သစ်ကူးနေ့တွင်ပေးပို့သော ကော်သူးလေတပ်မတော်စစ်ဦးစီးချုပ်၏ သဝဏ်လွှာမိန်းခွန့်တွင် စစ်ဦးစီးချုပ် စောနယ်ဒါးမြက အထက်ပါအတိုင်း ပြောကြားခဲ့ခြင်းဖြစ်သည်။
“လွတ်လပ်မှုဆိုသည်မှာ အလွယ်တကူ မရရှိနိုင်ပါ။ သွေးချွေးပေါင်းများစွာသာမက မိမိ၏ အသက်ပါပေးရသည်။ ကျွန်ုပ်တို့၏ ကရင့်ခေါင်းဆောင် ဗိုလ်ချုပ်မှူးကြီး စောဘိုမြပြောကြားခဲ့သော စကားတခွန်းမှာ လွတ်လပ်ခြင်းသည် တိုက်ရဲသောသူများအတွက်သာ” ဟု ကရင်နှစ်သစ်ကူးနေ့မိန့်ခွန်းတွင် စောနယ်ဒါးမြက ပြောသည်။
ထို့အပြင် ကရင်လူမျိုးများအား ဖိနှိပ်ချုပ်ချယ်သတ်ဖြတ်မှုများကို နည်းလမ်းပေါင်းများစွာဖြင့် မတရားနှိပ်စက်မှုများကြောင့် စည်းစည်းလုံးလုံးနှင့် အတူတကွလက်တွဲပြီး ကရင်ပြည်သူများ လွတ်လပ်မှုရှိအောင် ကြိုးစားလုပ်ဆောင်ရမည်ဟု KTLA စစ်ဦးစီးချုပ်က ဆိုသည်။
Public Service Announcement
လာမည့် ကရင်နှစ်သစ်ကူးသည် ကရင်လူမျိုးများအတွက် ပျော်ရွှင်ဝမ်းမြောက်ခြင်းနှင့် ပြည့်စုံသော နှစ်သစ်ကူးအချိန်အခါဖြစ်ပြီး ကရင်လူမျိုးများ၏ လိုအပ်ချက်ဖြစ်သော အောင်မြင်မှုများကို ရရှိနိုင်သည့် နှစ်သစ်တစ်ခုဖြစ်ပါစေကြောင်း ကော်သူးလေတပ်မတော်(KTLA)စစ်ဦးစီးချုပ် စောနယ်ဒါးမြက ဆုမွန်ကောင်းတောင်းသည်။
