Connect with us

Hi, what are you looking for?

LuduNwayOo

သတင်း

ကျိုက်မရောရှိ ရဲကင်းကို ဒရုန်းဖြင့် ဗုံးကြဲတိုက်ခိုက်၊ စစ်ကောင်စီတပ် ပစ်ခတ်၍ ဗိုလ်ကြီးဟောင်း၏ သားဖြစ်သူသေဆုံး

KNLAနှင့် ပူးပေါင်းတပ်များသည် KNU တပ်မဟာ(၁)နယ်မြေရှိ စစ်ကောင်စီတပ်ယာဉ်များ၊ ဂိတ်များကို တိုက်ခိုက်မှုများ ဆက်တိုက်လုပ် ဆောင်လျက်ရှိသည်။

(ကျိုက်မရောမြို့နယ် ချောင်းနှစ်ခွတံတားရှိ လုံခြုံရေးရဲကင်းမှ လမ်းပိတ်ဆို့မှုပြုလုပ်ထားသည်ကို တွေ့ရစဉ်။ ဓာတ်ပုံ - KIC)
(ကျိုက်မရောမြို့နယ် ချောင်းနှစ်ခွတံတားရှိ လုံခြုံရေးရဲကင်းမှ လမ်းပိတ်ဆို့မှုပြုလုပ်ထားသည်ကို တွေ့ရစဉ်။ ဓာတ်ပုံ - KIC)

မွန်ပြည်နယ် ကျိုက်မရောမြို့နယ် ချောင်းနှစ်ခွ တံတားရှိ လုံခြုံရေးရဲကင်းကို ယမန်နေ့က တိုက်ခိုက်ခဲ့ကြောင်း ကရင်အမျိုးသားလွတ်မြောက်ရေးတပ်မတော်(KNLA) နယ်မြေခံသတင်းရင်းမြစ်က ပြောသည်။

ဇူလိုင် ၂ရက် နံနက် ၁၀နာရီခွဲခန့်တွင် အဆိုပါ ရဲကင်းကို တော်လှန်ရေး ဒရုန်းအဖွဲ့တစ်ဖွဲ့မှ ဗုံးသီး သုံးလုံးချ တိုက်ခိုက်ခဲ့ခြင်းဖြစ်သည်ဟု ဆိုသည်။

အဆိုပါ ဗုံးသီးများ ဂိတ်အနီးကျရောက် ပေါက်ကွဲသော်လည်း ထိခိုက်မှုမရှိကြောင်း၊ ပေါက်ကွဲမှု အပြီးတွင် စစ်ကောင်စီတပ်က ပစ်ခတ်၍ ပြည်သူတစ်ဦးသေဆုံးခဲ့ကြောင်း KNLA သတင်းရင်းမြစ်က ပြောသည်။

တံတားစောင့် စစ်ကောင်စီတပ်မှ ပစ်ခတ်၍ သေဆုံးသွားသူမှာ (၃၀)အရွယ်ရှိ ကိုငြိမ်းချမ်းဆိုသူဖြစ်ပြီး နှလုံးကျည်ဖောက်ဒဏ်ရာဖြင့် သေဆုံးခဲ့ကြောင်း၊ သေဆုံးသူ ကိုငြိမ်းချမ်းသည် စစ်ကောင်စီ​၏ အငြိမ်းစား ဗိုလ်ကြီးဟောင်း​၏ သားဖြစ်ကြောင်း KNLA သတင်းရင်းမြစ်က ပြောသည်။

Public Service Announcement

Public Service Announcement

KNLAနှင့် ပူးပေါင်းတပ်များသည် KNU တပ်မဟာ(၁)နယ်မြေရှိ စစ်ကောင်စီတပ်ယာဉ်များ၊ ဂိတ်များကို တိုက်ခိုက်မှုများ ဆက်တိုက်လုပ် ဆောင်လျက်ရှိသည်။

အဆိုပါ ချောင်းနှစ်ခွတံတားရှိ စစ်ကောင်စီတပ်ဂိတ်ကို ယခင်နှစ်အတွင်းကလည်း KNLA ပူးပေါင်းတပ်ဖွဲ့က သွားရောက်တိုက်ခိုက်မှုများ ပြုလုပ်ခဲ့ရာ ထိုစဉ်ကစစ်ကောင်စီ ရဲအချို့သေဆုံးထိခိုက်ရှိခဲ့သည်။

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။