Connect with us

Hi, what are you looking for?

LuduNwayOo

သတင်း

NCAနှစ်ပတ်လည်ပွဲလုပ်မည့် စစ်ကောင်စီ၏ အစီအစဉ်မှာ နိုင်ငံရေး ၊ စစ်ရေးအကျပ်အတည်းဖြေလျော့ရန် ကြိုးပမ်းမှုဟု ယာယီသမ္မတပြော

ယခု အောက်တိုဘာ ၁၅ရက်တွင် ကျရောက်မည့် NCA နှစ်ပတ်လည် အခမ်းအနားကို စစ်ကောင်စီက ကျင်းပရန် ပြင်ဆင်နေခြင်းဖြစ်သည်။

NCAနှစ်ပတ်လည်ပွဲလုပ်မည့် စစ်ကောင်စီ၏ အစီအစဉ်မှာ နိုင်ငံရေး ၊ စစ်ရေးအကျပ်အတည်းဖြေလျော့ရန် ကြိုးပမ်းမှုဟု ယာယီသမ္မတပြော
NCAနှစ်ပတ်လည်ပွဲလုပ်မည့် စစ်ကောင်စီ၏ အစီအစဉ်မှာ နိုင်ငံရေး ၊ စစ်ရေးအကျပ်အတည်းဖြေလျော့ရန် ကြိုးပမ်းမှုဟု ယာယီသမ္မတပြော

“သပ်လျှို သွေးထိုးတာတွေလည်း လုပ်ဆောင်မှာ အသေအချာပါပဲ။ ဒါကို ကျွန်တော်တို့ အထူးဂရုပြုဖို့ လိုပါတယ်”

ပျက်ပြယ်ပြီးဖြစ်သည့် တစ်နိုင်ငံလုံးအပစ်ရပ်စာချုပ် NCA စာချုပ် (၈)နှစ်ပြည့် အခမ်းအနားကို ရန်သူစစ်ကောင်စီက လုပ်ဆောင်ရန် ကြံရွယ်နေကြောင်း အမျိုးသားညီညွတ်ရေးအစိုးရ ယာယီသမ္မတ ဒူဝါလရှီးလက ယနေ့ ကျင်းပသည့် အစိုးရအဖွဲ့အစည်းအဝေး၌ ပြောကြားခဲ့ပြီး စစ်ကောင်စီက သွေးထိုးသပ်လျှိုမှုများ လုပ်ဆောင်လာခြင်းအား အထူးဂရုပြုရန် သတိပေးလိုက်သည်။

ယခု အောက်တိုဘာ ၁၅ရက်တွင် ကျရောက်မည့် NCA နှစ်ပတ်လည် အခမ်းအနားကို စစ်ကောင်စီက ကျင်းပရန် ပြင်ဆင်နေခြင်းဖြစ်သည်။

“ဒါက သူတို့အတွက် နိုင်ငံရေး၊ စစ်ရေး အကျပ်အတည်း တွေကို ရနိုင်သမျှ ဖြေလျော့ဖို့ ကြိုးစားလာတာပါပဲ”ဟု ယာယီသမ္မတက ပြောသည်။

Public Service Announcement
Public Service Announcement

စစ်ကောင်စီက တိုင်းရင်းသားအင်အားစု ခေါင်းဆောင်အချို့ကို လှည့်စားရန် သိမ်းသွင်းရန် ကြိုးစားနေသကဲ့သို့ တိုင်းရင်းသားအင်အားစုများနှင့် အမျိုးသားညီညွတ်ရေးအစိုးရ အကြားက ညီညွတ်မှုကို သပ်လျှို သွေးထိုးခြင်းများလည်း လုပ်ဆောင်လာမည်မှာ သေချာကြောင်း ၎င်းက ပြောသည်။

Public Service Announcement

Public Service Announcement

“ဒါကို ကျွန်တော်တို့ အထူးဂရုပြုဖို့ လိုပါတယ်” ဟု ယာယီသမ္မတက ပြောသည်။

ယခု ရက်ပိုင်းတွင် စစ်ကောင်စီသည် ကရင်အမျိုးသားအစည်းအရုံး(KNU) ခေါင်းဆောင်ဟောင်းအချို့ကို ခေါ်ယူတွေ့ဆုံမှု ပြုလုပ်ခဲ့သည်။ ဥက္ကဋ္ဌဟောင်း ဗိုလ်ချုပ်ကြီးစောမူတူးစေးဖိုးနှင့် အဖွဲ့က စစ်ခေါင်းဆောင်နှင့်တွေ့ဆုံခြင်းသည် KNUနှင့် ပတ်သက်မှု လုံး၀မရှိကြောင်း KNUက ထုတ်ပြန်ထားသည်။

တော်လှန်ရေးအင်အားစုများ၊ ဒီမိုကရေစီအင်အားစုများအကြား သပ်လျှို သွေးခွဲခြင်း၊

နိုင်ငံသားတွေအချင်းချင်းကြား မယုံကြည်မှုနှင့် ပဋိပက္ခများ ဖြစ်အောင် ဖန်တီးခြင်းနည်းလမ်းများသည် စစ်အုပ်စုက အစဉ် လုပ်ဆောင်ခဲ့သည့် နည်းလမ်းများဖြစ်သည်ဟု ယာယီသမ္မတက ပြောသည်။

“ဒါပေမယ့် လည်း စစ်အာဏာရှင် အမြစ်ဖြတ်ရေး တိုက်ပွဲဝင်နေတဲ့ ဒီကနေ့ တော်လှန်ရေးအင်အားစုအသီးသီးဟာ စစ်အုပ်စု မထင်နိုင် မတွေးနိုင်လောက်အောင် ရင့်ကျက်မှုနဲ့ ညီညွတ်မှု ရှိထားပြီးဖြစ်တဲ့အတွက် စစ်အုပ်စုရဲ့ သပ်လျှို သွေးခွဲတဲ့လုပ်ရပ်တွေ အောင်မြင်မှာ မဟုတ်ဘူးဆိုတာ ကျွန်တော် အခိုင်အမာ ယုံကြည်ပါတယ်” ဟု ယာယီသမ္မတက ပြောသည်။

တဖက်တွင် အမျိုးသားညီညွတ်ရေးအစိုးရနှင့် မဟာမိတ် တိုင်းရင်းသားအင်အားစုများကြား က စုစည်းညီညွတ်မှုနှင့် ယုံကြည်မှုများကို ပိုမိုခိုင်မာအောင် တည်ဆောက်သွားရမည်ဟုလည်း ပြောကြားခဲ့သည်။

ဆက်စပ်သတင်းများ

သတင်း

CNA အပါအဝင် ချင်းပူးပေါင်းတပ်ဖွဲ့သည် တွန်းဇံ၊ ရေဇွာ၊ လိုင်လင်းပီ၊ ရိဒ်ခေါ်ဒါမြို့များကို တိုက်ခိုက်သိမ်းပိုက်ထားပြီးဖြစ်သည်။

သတင်း

ရန်ကုန်တိုင်း စစ်ကြောရေးတာဝန်ခံ ဒုဗိုလ်မှူးကြီးသန်းထွဋ်ကိုလည်း တောင်ငူခရိုင်တပ်ရင်း ၃၅၀၁က ရန်ကုန် - နေပြည်တော် အမြန်လမ်း မိုင်တိုင်(၁၆၁)အနီးတွင် ၂၀၂၃ ဇန်နဝါရီ၂၂ ရက်က ပစ်ခတ်ရှင်းလင်းခဲ့သည်။

သတင်း

မံစီမြို့နယ်ရှိ တပ်ရင်း ၂ခုမှ အင်အား ၁,၅၀၀ခန့်ကိုလည်း KIA ပူးပေါင်းတပ်က တိုက်ခိုက်နေရခြင်းဖြစ်ကြောင်း သတင်းရင်းမြစ်က ပြောထားသည်။

သတင်း

ဟံသာဝတီရွာအတွင်း တပ်စွဲထားသည့် စစ်ကောင်စီစစ်ကြောင်းမှူးကိုလည်း အချိန်းအပြောင်းပြုလုပ်သွားကြောင်း သတင်းရရှိသည်။