အိမ်သွင်/People’s Spring
ရှမ်းပြည်နယ်မြောက်ပိုင်း၊ နောင်ချိုမြို့တွင် တရားစခန်းများရှိနေသော သပြေရေတောင် ဘုရားကုန်းအား စစ်ကောင်စီ လေကြောင်းမှ ဗုံးကြဲတိုက်ခိုက်ခဲ့ရာ ကျောင်းဆောင်တစ်ခုလုံး ပျက်စီးသွားခဲ့သည်။
ယနေ့ (ဖေဖော်ဝါရီ ၆ရက်) နံနက် ၁၀နာရီခွဲခန့် တွင် ဂျက်ဖိုက်တာဖြင့် ဗုံးနှစ်လုံးကြဲချတိုက်ခိုက်ခြင်းဟု ဒေသခံတစ်ဦးက ပြောသည်။
” သံသရာအေးစေတီနဲ့နီးတယ်။ အဲဒီနားမှာ တရားစခန်းတွေလည်းရှိတယ်။ TNLA ရော PDF ရောမရှိတဲ့နေရာပါ”ဟု ဒေသခံတစ်ဦးကပြောသည်။
Public Service Announcement
လေကြောင်းတိုက်ခိုက်မှုကြောင့် လူထိခိုက်မှုမရှိခဲ့ကြောင်း ယင်းနေရာအနီးတွင်ရှိနေသည့် အထက်ပါသတင်းရင်းမြစ်က ပြောသည်။
“တအာင်းပြည်၊ တပ်မဟာ(၂)နယ်မြေ၊ နောင်ချိုမြို့နယ် သပြေတောင်ဘုရားကုန်း ယနေ့ နံနက်(၁ဝး၂၀)နာရီအချိန်တွင် စစ်ကောင်စီတပ်မှ ဂျက်ဖိုက်တာဖြင့် ဗုံးလာရောက်ကြဲချ တိုက်ခိုက်ခဲ့သည်။”ဟု တအာင်းတပ်မတော်(TNLA)က ထုတ်ပြန်ထားသည်။
ပြီးခဲ့သည့်ဇန်နဝါရီက နောင်ချိုမြို့နယ်ကို စစ်ကောင်စီက လေကြောင်းတိုက်ခိုက်မှု ငါးကြိမ် ထက်မနည်းပြုလုပ်ခဲ့သည်။
ဇန်နဝါရီ ၂၂ ရက်တွင် နောင်ချို မြို့လယ်ရှိ ပါရမီ(၂) လက်ဖက်ရည်ကို လေကြောင်းမှ ဗုံးကြပ်တိုက်ခိုက်ခဲ့ရာ အရပ်သား ၈ဦး သေဆုံးခဲ့သည်။စစ်ကောင်စီသည် တိုက်ပွဲဖြစ်ပွားခြင်းမရှိဘဲ အရပ်သားများအားဦးတည် ဗုံးကြဲတိုက်ခိုက်နေသဖြင့် စစ်ရေးသတိရှိရန်လိုအပ်ပြီးလေကြောင်းရန် ကာကွယ်ရေးဆိုင်ရာနည်းလမ်းများ လိုက်နာဆောင်ရွက်ရန်လိုအပ်ကြောင်း TNLAက ဒေသခံများအား တိုက်တွန်းထားသည်။
