မေ/People’s Spring
မန္တလေးတိုင်း၊ မိုးကုတ်မြို့လေကြောင်းတိုက်ခံရမှုမှာ ပြည်သူ ၅ဦးသေဆုံးခဲ့ပြီး (၄)နှစ်အရွယ်ကလေးငယ်အပါအဝင် ၂၀ဦး ဒဏ်ရာရခဲ့တယ်လို့ မိုးကုတ်မြို့နယ်ပြည်သူ့ကာကွယ်ရေးအဖွဲ့(ပကဖ) သတင်းတာဝန်ခံက ပြောပါတယ်။
မနေ့ည ၁၂နာရီကျော်မှာ စစ်တပ်က တံတားဦးလေတပ်ကနေ မိုးကုတ်မြို့အနောက်ခြမ်းကိုလေကြောင်းတိုက်ခိုက်ခဲ့တာလို့ သိရပါတယ်။
သေဆုံးသူတွေဟာ နမ့်ဆန်မြို့က အညှော်၊သတွက်သျှိုရွာက ကိုကျော်စွာဝင်း၊ကသဲအုပ်စု၊နန်းနွဲ့ရွာက ကော်မလူး၊မြို့ကြီးရွာက ကိုဖိုးစိုးတို့ဖြစ်ပြီး တစ်ဦးကတော့ စုံစမ်းဆဲဖြစ်တယ်လို့ သိရပါတယ်။
Public Service Announcement
ဒါ့အပြင် လက်ရှိကောက်ယူထားတဲ့ ဆေးရုံရောက် လူနာစာရင်းမှာ (၄)နှစ်အရွယ် ကလေးငယ်တစ်ဦးအပါအဝင် ၂၀ဦးထိခိုက်ဒဏ်ရာတွေရထားတယ်လို့လည်း သိရပါတယ်။
“လူနေရပ်ကွက်မဟုတ်ဘဲ လုပ်ကွက်ကိုကြဲချတာ”လို့ မိုးကုတ်ပကဖ သတင်းတာဝန်ခံက ပြောပါတယ်။
စစ်တပ်က TNLAသိမ်းယူထားတဲ့ မ်ိုးကုတ်မြို့အနောက်ဖက်ခြမ်းမှာရှိတဲ့ ဝင်းထရံကျောက်လုပ်ကွက်ကို လေကြောင်းတိုက်ခိုက်မှုပြုလုပ်ခဲ့တာပါ။
အလားတူ ဇန်နဝါရီအတွင်းကလည်း စဥ့်ကူးမြို့နယ်အတွင်းက ကံတောင်ကျေးရွာကိုစစ်တပ်က လေကြောင်းတိုက်ခိုက်ခဲ့ရာမှာ ရွှေလုပ်ကွက်အတွင်းရှိနေတဲ့ ပြည်သူသေဆုံးတာတွေဖြစ်ခဲ့ပါသေးတယ်။
