ပူတာအိုမှာ တောင်ကျ​ချောင်း​ရေ​ကြောင့်စပါးခင်း​တွေပျက်စီးကုန်လို့ ​ဒေသခံ​တွေအကူအညီ​တောင်း

လူအေး/People’s Spring

ကချင်ပြည်နယ်၊ပူတာအိုမြို့နယ်၊မန်စေခွန်ကျေးရွာအပါအဝင်​ကျေးရွာအချို့မှာ မိုးသည်းထန်ပြီး တောင်ကျရေ​တွေနဲ့အတူ ပါလာတဲ့တဲ့သဲမြေတွေ၊ရွှံနွံ​တွေ ဖုံးလွမ်းသွားတဲ့အတွက် စပါးစိုက်ခင်းတွေ တစ်ရွာလုံးနီးပါး ပျက်စီးသွားခဲ့ပါတယ်။

” မိုးက ၁၄ရက်နီးလောက်ကစပြီးသဲသဲမဲမဲရွာတာ။ မန်စေခွန်ရွာ ရေဘေးကြုံတာကတော့ ၁၆ရက်(စက်တင်ဘာ)နေ့က ဖြစ်တယ်။ စပါးခင်းတွေပျက်စီးသွားတာက တစ်ရွာလုံးပဲဗျ။ ဘယ်လိုအကူအညီပေးရမှန်းမသိအောင်ဖြစ်နေတယ်”လို့ ပူတာအိုမြို့ခံတစ်ဦးကရုပ်သံမှတ်တမ်းရိုက်ကူးပြီးပြောပါတယ်။

မန်စေခွန်ကျေးရွာအပါအဝင် ပူတာအိုမြို့နယ်က နေ ၁၀မိုင်မှ၁၅မိုင်ကြားဝေးတဲ့ ရွာအချို့လည်း ပျက်စီးမှုတွေရှိခဲ့တယ်လို့​ဒေသခံအချို့ကပြောပါတယ်။

Public Service Announcement

ထိခိုက်ပျက်စီးမှုအခြေအနေအသေးစိတ်ကိုတော့မသိရသေးပါဘူး။စပါးခင်း တွေပျက်စီးသွားပြီး အခုအ​ခြေအ​နေနဲ့ ဒီရာသီမှာ ပြန်လည်စိုက်ပျိုးဖို့ မဖြစ်နိုင်​တော့တဲ့အတွက်​ဒေသခံပြည်သူ​​တွေဟာအခက်အခဲကြုံနေလို့ အကူအညီပေးကြဖို့ ဒေသခံအချို့က လူမှုကွန်ရက်မှတစ်ဆင့်အကူအညီတောင်းနေကြတာဖြစ်ပါတယ်။

ဒါအပြင်ပူတာအို​ဒေသဟာ လမ်းပန်းဆက်သွယ်​ရေးခက်ခဲသလို ၊စစ်တပ်အာဏာသိမ်းပြီး​နောက်ပိုင်းလမ်းပိုင်း​တွေပိတ်မိပြီးပျက်​တောက်​နေတာ​ကြောင့် စားနပ်ရိက္ခာရှားပါးပြတ်လပ်မှု နဲ့ ကုန်​ဈေးနှုန်းကြီးတဲ့ ဒဏ်ကို အပြင်းအထန်ခံစား​နေရတဲ့​ဒေသဖြစ်ပါတယ် ။

လက်ရှိရာသီဥတုအခြေအနေအရဘင်္ဂလားပင်လယ်‌ အော်မှာမုတ်သုန်လေအားကောင်းနေသလို တောင်တရုတ်ပင်လယ်ပြင်မှာအပူပိုင်းမုန်တိုင်း “မီတက်” (MITAG) ဖြစ်နေပါတယ်။

ကချင်ပြည်နယ်အပါအဝင်ဒေသ အများအပြားမှာမိုးကောင်းနိုင်သလို နေရာကွက်မိုးကြီးခြင်း၊ မြေပြိုခြင်း၊ တောင်ပြိုခြင်း တွေ သတိပြုနေထိုင်ကြဖို့ အမျိုးသားညီညွတ်ရေးအစိုးရ၊လူသားချင်းစာနာထောက်ထားရေးနဲ့ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန (MOHADM)ကသတိပေးထားပါတယ်။

ရုပ်သံ-CJ