အောက်တိုဘာ-၁၄၊၂၀၂၅။လူအေး/People’s Spring
စစ်ကောင်စီထိန်းချုပ်ထားတဲ့ လားရှိုးမြို့ပေါ်မှာ အောက်တိုဘာလ ၁၃ ရက်နေ့လယ်ပိုင်းမှာ ကားလုယက်မှုထပ်မံဖြစ်ပွားခဲ့ပါတယ်။
လားရှိုးမြို့ရပ်ကွက်(၇)ထဲမှာကားပိုင်ရှင်ကိုထိုးကြိတ်ပြီး လူတစ်စုကကားကိုလုယက်မောင်းနှင်ထွက်ပြေးတာလို့ မြို့ခံတစ်ယောက်ကပြောပါတယ်။
ကားပိုင်ရှင်ကနောက်ကနေကားတစ်စီးနဲ့လိုက်ဖမ်းဖို့ကြိုးစားရင်း မြို့ပေါ်ကားလမ်းမမှာ အုတ်အော သောင်းနင်းဖြစ်သွားတယ်လို့ ၎င်းက ပြောပါတယ်။ အဆိုပါ ကားလုယက်မောင်းနှင်ထွက်ပြေးမှုကို မြို့ပေါ်က CCTV တစ်ခု မှတ်တမ်းရုပ်သံမှာ ကားအဖြူတစ်စီးက လားရှိူးမြို့ပေါ်တနေရာ လမ်းကျဥ်းကျဥ်းမှာ ကားကြောကြပ်နေချိန် ဟွန်းတီးပြီး အမြန်မောင်းထွက်ပြေးသလို ၊နောက်ကနေ ကားတစ်စီးကလည်း ဟွန်းတီးပြီးလိုက်ဖို့ကြိုးစားနေရင်း ကျန်ခဲ့တာကိုတွေ့ရပါတယ် ။
Public Service Announcement
ဖြစ်စဥ်အသေးစိပ် နဲ့ ကားလုယက်သွားသူတွေကိုဖမ်းဆီးရမိခြင်း ရှိ ၊မရှိကို မသိရသေးပါဘူး။
ပြီးခဲ့တဲ့သြဂုတ်လ၂၁ရက်နေ့ကလည်း လားရှိုးမြို့ ရပ်ကွက်(၅)မှာ အမျိုးသမီးတစ်ဦးမောင်းနှင်လာတဲ့ ကားကိုဆိုင်ကယ်စီးအမျိုးသားနှစ်ဦးကလူမြင်
ကွင်းမှာ လုယက်မောင်းနှင်ထွက်ပြေးသွားခဲ့ပါတယ်။လားရှိုးမြို့ပေါ် လူအများရှေ့မှာ အတင့်ရဲစွာကားခိုးတဲ့ဖြစ်စဥ် နဲ့ ပိုဆိုးလာတဲ့ ခိုးဆိုးလုယက် သတ်ဖြတ်မှုတွေကြောင့် တရားဥပဒေစိုးမိုးမှုမရှိတော့ကြောင်း လူမှုကွန်ရက်ပေါ်ဝေဖန်ခဲ့တဲ့ စစ်ဘေးရှောင်အမျိုးသားတစ်ဦးကိုတော့ စစ်တပ်က ဖမ်းဆီးပြီး ရွေးကောက်ပွဲပျက်ပြားအောင် လှုံ့
ဆော်တယ်ဆိုပြီးထောင် ၇နှစ်ချမှတ်ခဲ့ပါတယ်။ ဒါပေမယ့် ကားလုယက်သူတွေကိုတော့ ဖမ်းမမိပါဘူး။
လားရှိုးမြို့ဟာ ၁၀၂၇ စစ်ဆင်ရေးနဲ့အတူ ကိုးကန့်တပ်(MNDAA) နဲ့ မဟာမိတ်တပ်တွေက ၂၀၂၄ သြဂုတ် ၃ ရက်မှာအပြီးသတ် သိမ်းယူခဲ့တဲ့မြို့ဖြစ်ပါတယ်။ ဒါပေမယ့် တရုတ်အစိုးရရဲ့ ဖိအားပေးမှုကြောင့် ၂၀၂၅ ဧပြီလမှာ MNDAAက စစ်ကောင်
စီထံ ကျည် ၁ ချက်မဖောက်ရပဲ ပြန်လွှဲပေးခဲ့ရပါတယ် ။MNDAA ကပြန်လွှဲပေးခဲ့တဲ့လုပ်ရပ်အပေါ် မြို့ခံနေတာဝေဖန်ခဲ့ကြပါတယ်။
စစ်ကောင်စီကပြန်လည်ထိန်းချုပ်ပြီးတဲ့နောက်ပိုင်း လားရှိုးမြို့မှာ လုယက်မှုတွေ၊ ဓားပြမှုတွေ၊ ပြန်ပေးဆွဲမှုတွေနဲ့ ခိုးမှုတွေမကြာခဏဖြစ်နေပါတယ်။
ပြီးခဲ့တဲ့ စက်တင်လာလ ၄ရက်ညကလားရှိုးမြို့မှာ နေအိမ်အတွင်း ဝင်ရောက်လာတဲ့ သူခိုးကို ဒေသခံတွေက ဝိုင်းဖမ်းခဲ့စဉ် ဓားနဲ့ ပြန်အခုတ်ခံရပြီး အမျိုးသားနှစ်ဦးဒဏ်ရာရခဲ့ပါတယ်။ မြို့မှာဖြစ်နေတဲ့အမှုတွေကို စစ်ကောင်စီကအရေးယူနိုင်ခြင်းမရှိဘူးလို့ မြို့ခံတွေကပြောပါတယ်။
