ချောင်းဦးမြို့နယ်မှာစစ်တပ်စစ်​ကြောင်းအထိနာပြီး​ တော်လှန်​ရေးတပ်​တွေကလက်နက်ခဲယမ်း​တွေသိမ်းရ

ဇွန်-၁၇၊၂၀၂၆။မိုမို/People’s Spring

စစ်ကိုင်းတိုင်း၊ချောင်းဦးမြို့နယ်မှာစစ်တပ်စစ်ကြောင်းအထိနာပြီး လက်နက်ခဲယမ်းတွေ ရတယ်လို့ ဒေသခံ စစ်ရေးသတင်းရင်းမြစ်တွေက လူထုနွေဦးကို ပြောပါတယ်။

မုံရွာမြို့နယ်အခြေစိုက်အနောက်မြောက်တိုင်းစစ်ဌာနချုပ်(နမခ)နဲ့မြင်းမူမြို့နယ်ကစစ်တပ်အင်အားတွေနဲ့ ချောင်းဦးမြို့နယ်မှာအင်အားဖြည့်ပြီးဇွန်လဆန်းကစပြီး စစ်ကြောင်းထိုးလာတာကို တော်လှန်ရေးတပ်ဖွဲ့တွေက ခုခံတိုက်ခိုက်ခဲ့တာဖြစ်ပါတယ်။

“ချောင်းဦး-ရေစကြိုလမ်းပိုင်းကို ၄၀၀ လောက်နဲ့ စစ်ကြောင်းထိုးတာ။သေတာတွေရော၊အရှင်ဖမ်းမိတာတွေရောဆိုရင် ၁၀၀ လောက်ရှိတယ်။လက်နက်တွေ တော်တော်များများရတယ်”လို့ချောင်းဦးမြို့နယ် စစ်ရေးသတင်းရင်းမြစ်က ပြောပါတယ်။

Public Service Announcement

ဇွန်လဒုတိယပါတ်အထိ နှစ်ဖက်တိုက်ပွဲတွေ ပြင်းထန်ခဲ့ပြီးစစ်တပ်ကလေကြောင်း တိုက်

ခိုက်မှုတွေမျိုးစုံရှိခဲ့ပေမယ့် တော်လှန်ရေးအဖွဲ့တွေရဲ့ စုဖွဲ့မှုကြောင့် စစ်တပ်စစ်ကြောင်းတွေ ချောင်းဦးမြို့ကို ပြန်လည်ဆုတ်ခွာခဲ့ရတယ်လို့ အသိပေးပါတယ်။

“သိမ်းဆည်းရမိထားတဲ့ လက်နက်တွေ အပုံလိုက်ပါပဲ”လို့ ချောင်းဦးမြို့နယ် ကာကွယ်ရေးတပ်တွေနဲ့ နီးစပ်သူက ပြောပါတယ်။

စစ်တပ်စစ်ကြောင်းထိခိုက်မှုနဲ့ လက်နက်ခဲယမ်းသိမ်းဆည်းရရှိတဲ့အ​ခြေအ​နေ​တွေကို

​မေးမြန်းဖို့ဒေသခံတော်လှန်ရေးအဖွဲ့တွေ

ထံ လူထုနွေဦးက ဆက်သွယ်ပေမယ့် ပြန်

လည်အကြောင်းကြားမှုမရှိသေးပါဘူး။

ချောင်းဦး-ရေစကြိုသွားကားလမ်းဘေးက ငါးလုံးတင်ကျေးရွာအတွင်း အခြေပြုထားပြီး မုံရွာ-စစ်ကိုင်းနဲ့ချောင်းဦး-ရေစကြို ဆက်သွယ်ရေးလမ်းကြောင်းပေါ် က တော်လှန်ရေးတပ်(မူရင်းမှာPDFအကြမ်းဖက်သောင်းကျန်း

သူများလို့​ဖော်ပြ)ကို ဇွန်လ ၉ ရက်မှာ တိုက်

ခိုက်ချေမှုန်းခဲ့တယ်လို့ စစ်တပ်ဝါဒဖြန့်လူမှုကွန်ယက်မှာ ဖြန့်ဝေထားပါတယ်။

ဇွန်လ ၄ ရက်ကနေ ၉ ရက်နေ့အထိ ချောင်းဦးမြို့နယ်က ကျေးရွာသုံးရွာကို စစ်တပ်က မီး

ရှို့ဖျက်ဆီးခဲ့ပြီး ဒေသခံပြည်သူ ၆ဦးကိုပါ သတ်ဖြတ်သွားတယ်လို့ ‌ ဒေသခံတွေက ပြောပါတယ်။

ဆင်မြေရွာက နေအိမ်၁၀၀ကျော်၊ မှန်ချိုရွာက နေ အိမ်၂၅လုံးနဲ့ ငါးလုံးတင်ရွာကနေအိမ်တချို့ မီးလောင်ပျက်စီးခဲ့ပါတယ်။အဲဒီစစ်

ကြောင်းဟာ ချောင်းဦးမြို့အတွင်း ပြန်လည်ဝင်ရောက်အထိုင်ချထားတယ်လို့ သိရပါတယ်။