စက်တင်ဘာ ၂၊၂၀၂၆။သုည/People’s Spring
ဂျပန်နိုင်ငံ၊ တိုကျိုမြို့ရှိ ထိုင်းနိုင်ငံသံရုံး အနီးမှာ ဂျပန်ရောက် မြန်မာတွေ စုပေါင်းပြီး မြန်မာပြည်သူတွေရဲ့ ဆန္ဒနဲ့ဆန့်ကျင်ကာ စစ်အုပ်စုနဲ့ ထိတွေ့ဆက်ဆံနေမှုကို ထိုင်းအစိုးရအနေနဲ့ ရပ်တန့်ပေးဖို့ တောင်းဆိုတဲ့ ငြိမ်းချမ်းစွာ ဆန္ဒဖော်ထုတ်ပွဲကို ဒီကနေ့ (စက်တင်ဘာ ၂) ပြုလုပ်ခဲ့ပါတယ်။
ဆန္ဒဖော်ထုတ်ပွဲမှာ ပါဝင်သူတွေက “Please Respect the Voices of the People of Myanmar” ၊ “Stop Engaging with the Myanmar Military Junta!” ပိုစတာတွေနဲ့ ဆိုင်းဘုတ်တွေကို ကိုင်ဆောင်ပြီး မြန်မာပြည်သူတွေရဲ့ အသံနဲ့ ဆန္ဒကို လေးစားနားထောင်ပေးဖို့ တောင်းဆိုခဲ့ကြပါတယ်။
ဒါ့အပြင် မြန်မာနိုင်ငံမှာ အကြမ်းဖက်မှုတွေ ဆက်လက်ကျူးလွန်နေတဲ့ မြန်မာစစ်တပ်နဲ့ ထိုင်းအစိုးရရဲ့ လက်ရှိဆက်ဆံရေးအပေါ် သဘောထားတွေကို ငြိမ်းချမ်းစွာ ထုတ်ဖော်ပြသခဲ့ကြပါတယ်။
Public Service Announcement
ယင်းဆန္ဒဖော်ထုတ်ပွဲမှာ မြန်မာပြည်သူတွေရဲ့ အသံကို ကိုယ်စားပြုတဲ့ ပေးစာတစ်စောင်ကိုလည်း ထိုင်းသံရုံးမှတစ်ဆင့် ထိုင်းအစိုးရထံ ပေးပို့ခဲ့ပြီး မြန်မာပြည်သူတွေရဲ့ ဆန္ဒနဲ့ သဘောထားတွေကို လေးစားနားထောင်ပေးဖို့ မေတ္တာရပ်ခံခဲ့ကြပါတယ်။
ထိုင်းအစိုးရအနေနဲ့ မြန်မာစစ်တပ်နဲ့ ပူးပေါင်းဆက်ဆံမှုတွေကို ရပ်တန့်ပေးဖို့၊ မြန်မာစစ်တပ်ကို ပံ့ပိုးခြင်းမပြုဘဲ မြန်မာပြည်သူတွေကိုသာ လူသားချင်းစာနာထောက်ထားမှုနဲ့လိုအပ်တဲ့ အကူအညီပံ့ပိုးပေးဖို့၊ စစ်အုပ်စုရဲ့ အသံကိုသာ နားထောင်ခြင်းမပြုဘဲ ပြည်သူတွေရဲ့ အသံနဲ့ဆန္ဒတွေကို နားထောင်ပေးဖို့၊ SCEF နဲ့ NUG တို့အပါအဝင် ဒီမိုကရေစီအင်အားစုတွေနဲ့တွေ့ဆုံဆွေးနွေးပြီး ပူးပေါင်းဆောင်ရွက်ဖို့၊ မြန်မာစစ်တပ်ရဲ့ လုပ်ရပ်တွေကို လက်မခံကြောင်း ထုတ်ဖော်ပြောကြားပေးဖို့တို့ပဲ ဖြစ်ပါတယ်။
