သတင်း
ရွှေဈေးမြင့်တက်လာခြင်းနှင့်အတူ နိုင်ငံခြားငွေလဲနှုန်းလဲ မြင့်တက်လာပြီး အမေရိကန် တစ်ဒေါ်လာကို ကျပ် ၃,၇၅၀ အထိမြင့် တက်သည်။
Hi, what are you looking for?
ရွှေဈေးမြင့်တက်လာခြင်းနှင့်အတူ နိုင်ငံခြားငွေလဲနှုန်းလဲ မြင့်တက်လာပြီး အမေရိကန် တစ်ဒေါ်လာကို ကျပ် ၃,၇၅၀ အထိမြင့် တက်သည်။
လက်ရှိစက်တင်ဘာလဆန်းပိုင်းစတင်ပြီး တရိပ်ရိပ်ကျလာတဲ့ ရွှေဈေးဟာ ဒီနေ့မနက်ပိုင်း ရွှေဈေးအဖွင့်မှာတင် ကျပ်ငါးသောင်းခုန်တက်သွားတာပါ။
ပြည်တွင်းရွှေဈေးသည် အခေါက်ရွှေတစ်ကျပ်သားကို ကျပ် ၃,၆၉၁,၀၀၀မှ ၃,၇၂၀,၀၀၀ကျပ် အထိမြင့်တက်လာပြီး ဒေါ်လာဈေးမှာလည်း တစ်ဒေါ်လာကို ၃၅၅၀ ကျပ်မှ ၃၆၀၀ကျပ်အထိ ပေါက်ဈေးရှိခဲ့ခြင်းဖြစ်သည်ဟုရွှေနှင့်ဒေါ်လာလဲလုပ်ငန်းရှင်များကပြောသည်။
ဒီနေ့ ဈေးကွက်ပြန်ဖွင့်ချိန်မှာတော့ ဝယ်လိုအား များနေတယ်လို့ မန်းမြို့ဈေးရှိ ရွှေအရောင်းအဝယ်ပြုလုပ်သူတစ်ဦးကပြောပါတယ်။
ပြင်ပဈေးကွက်တွင်ရွှေဈေးမြင့်တက်လာသော်လည်းရန်ကုန်တိုင်းရွှေလုပ်ငန်းရှင်များအသင်းကမူ ရွှေတစ်ကျပ်သားကို ကျပ် ၂၃ သိန်းသတ်မှတ်ထားသည်။
မြန်မာနိုင်ငံ၌ ဇွန်၊ဇူလှိုင်တွင် ဒေါ်လာဈေး၊ ရွှေဈေးမြင့်တက်လေ့ရှိသော်လည်း ယခုဈေးနှုန်းမြင့်တက်ခြင်းသည် စံချိန်တင် ဈေးနှုန်းမြင့်တက်လာခြင်းဖြစ်သည်ဟု ၎င်းက ဆိုသည်။
လက်ရှိတွင်ရွှေဈေးမှ အတက်ကြမ်းနေသည်ဟု သတ်မှတ်နိုင်ပြီး ရွှေဈေးမြင့်တက်လာခြင်းနှင့်အတူကုန်ဈေးနှုန်းများပါ မြင်တက်လာမည်ကို စိုးရိမ်ကြောင့် အခြားရွှေလုပ်ငန်းရှင်တစ်ဦးကပြောသည်။
စစ်အုပ်စုအာဏာမသိမ်းခင် ၂၀၂၁ ဇန်နဝါရီလကုန်ပိုင်းက ရွှေတစ်ကျပ်သားလျှင် ကျပ်၁၃ သိန်းကျော်၊၁ ဒေါ်လာလျှင် ၁၃၃၇ ကျပ် သာရှိခဲ့သည်။
ဒီနေ့ မွန်းလွဲပိုင်းမှာ အခေါက်ရွှေ တစ်ကျပ်သားကို ကျပ်သိန်း ၃,၀၀၃,၀၀၀ ဖြစ်သွားတာလို့ ဈေးကွက်ထဲ ရွှေသွားဝယ်သူတစ်ဦးက ပြောပြပါတယ်။
ကမ္ဘာ့ရွေဈေးမြင့်တက်လာခြင်းကြောင့် ပြည်တွင်းရွှေဈေးမြင့်တက်လာပြီးနောက် စစ်ကောင်စီ၏ဗဟိုဘဏ်နှင့် ရန်ကုန်တိုင်းရွှေလုပ်ငန်းရှင်အသင်းတို့ကရွှေဈေးကျစေရန် ဆောင်ရွက်နေခြင်းဖြစ်သည်။