ကွက်ဇယ်လ်တန်နန်ဂိုက အကျဉ်းထောင်ထဲမှာ ဖမ်းဆီး ထိန်းသိမ်းထားတဲ့ ပြိုင်ဘက် ဂိုဏ်းနှစ်ခုက ဂိုဏ်းသားတွေ ကိုယ်ထိလက်ရောက် တိုက်ခိုက်ရာက ပြဿနာ စတင်ခဲ့တာ ဖြစ်ပါတယ်။ ထောင်ထဲမှာ ဆူပူ အုံကြွမှုတွေ ဖြစ်ခဲ့တဲ့နောက် အကျဉ်းသား ၇ ဦးသေဆုံးကြောင်း၊ ၅ ဦးက ခေါင်းဖြတ် သတ်ခံရတာဖြစ်ကြောင်း အမည်ဖော်မပြတဲ့ ရဲအရာရှိ တစ်ဦးက ပြောကြားသွားပါတယ်။
ဂွာတီမာလာ စီးတီး မြို့တော်ကနေ ကီလိုမီတာ ၂၀၀ လောက် အကွာအဝေးမှာ တည်ရှိတဲ့ အကျဉ်းထောင်ဟာ လူ ၅၀၀ လောက်သာ ဝင်ဆံ့ဖို့ တည်ဆောက်ထားပေမယ့် လက်ရှိမှာ လူပေါင်း ၂၀၀၀ ကျော်ကို စုပြုံ ထိန်းသိမ်းထားပါတယ်။
ထောင်အာဏာပိုင်တွေက အကြောင်းကြား အကူအညီ တောင်းခံခဲ့တဲ့နောက် ရဲတပ်ဖွဲ့ဝင် ၅၀၀ လောက် ထောင်ကို သွားရောက်ပြီး လုံခြုံရေး စောင့်ကြပ်ပေးခဲ့ရပါတယ်။ ဖြစ်စဉ်နဲ့ ပတ်သက်လို့ စုံစမ်း စစ်ဆေးမှုတွေ ပြုလုပ်နေဆဲပါ။
ကနဦး သိရှိထားတာကတော့ ရာဇဝတ် ဂိုဏ်းဝင် တစ်ဦးရဲ့ ဇနီး သတ်ဖြတ်ခံရမှုကို အကြောင်းပြုပြီး ပြဿနာ စတင်ခဲ့တာလို့ သိရပါတယ်။ ဂွာတီမာလာမှာ ရန်လို အကြမ်းဖက်မှုတွေကြောင့် တစ်နှစ်ကို လူပေါင်း ၃၅၀၀ ဝန်းကျင်လောက် သေဆုံးလေ့ရှိပြီး ထက်ဝက်လောက်က ရာဇဝတ် ဂိုဏ်းတွေနဲ့ ဆက်စပ်နေတယ်လို သိရပါတယ်။
Public Service Announcement
