Connect with us

Hi, what are you looking for?

LuduNwayOo

နိုင်ငံတကာ

တရုတ်နိုင်ငံ ဆီချွမ်ဒေသမှာ ငလျင်လှုပ်ပြီး လူ ၃ ဦးထက်မနည်း သေဆုံး

စက်တင်ဘာ ၁၆ ရက်က ဆီချွမ်မှာ လှုပ်ခတ်သွားတဲ့ ငလျင်ဟာ မြေအနက် ၁၀ ကီလိုမီတာလောက်ကို ဗဟိုပြုခဲ့တဲ့ မြေတိမ်ပိုင်း ငလျင် အမျိုးအစားလို့ သိရပါတယ်။

တရုတ်နိုင်ငံ အနောက်တောင်ပိုင်းမှာ ရစ်ချ်တာစကေး ၆.၀ အဆင့် ငလျင်တစ်ခု လှုပ်ခတ်လို့ ထိခိုက်ပျက်စီးမှုတွေ ဖြစ်ပေါ်ခဲ့ပြီး လူ ၃ ဦးထက်မနည်း အသက် ဆုံးရှုံးခဲ့ပါတယ်။

စက်တင်ဘာ ၁၆ ရက်က ဆီချွမ်မှာ လှုပ်ခတ်သွားတဲ့ ငလျင်ဟာ မြေအနက် ၁၀ ကီလိုမီတာလောက်ကို ဗဟိုပြုခဲ့တဲ့ မြေတိမ်ပိုင်း ငလျင် အမျိုးအစားလို့ သိရပါတယ်။ မြေတိမ်ပိုင်းကို ဗဟိုပြုတဲ့ ငလျင်တွေဟာ မြေမျက်နှာပြင်ပေါ်မှာ ထိခိုက်ပျက်စီးမှုတွေ ပိုမို ဖြစ်ပေါ်စေတတ်ပါတယ်။

တရုတ် အစိုးရ မီဒီယာတွေက ငလျင်ကြောင့် လူ ၃ ဦးထက်မနည်း သေဆုံးပြီး ၉၀ ဝန်းကျင် ဒဏ်ရာရခဲ့ကြောင်း ဖော်ပြသွားပါတယ်။ လူဇူးမြို့က လုရှန်မြို့နယ်ဟာ ထိခိုက်ပျက်စီးမှု အများဆုံးဖြစ်ပြီး နေအိမ် အဆောက်အအုံတချို့ ပြိုကျခဲ့ပါတယ်။

ပြီးတော့ ဓာတ်တိုင်တွေ ပြိုလဲပြီး လျှပ်စစ်ဓာတ်အား ပြတ်တောက်မှုတွေလည်း ဖြစ်ပေါ်ခဲ့ပါတယ်။ ကယ်ဆယ်ရေး အဖွဲ့တွေက ပြိုကျနေတဲ့ အဆောက်အအုံတွေဆီ အဆောတလျင် သွားရောက်ပြီး အပျက်အစီးတွေအောက် ပိတ်မိနေသူတွေ ရှိမရှိ လိုက်လံ စစ်ဆေးနေကြောင်း သိရပါတယ်။ ငလျင်ဘေးသင့် ဒေသက လူပေါင်း ၃၂၀၀ ကိုတော့ ယာယီ ခိုလှုံရေး စခန်းတွေဆီ ရွှေ့ပြောင်းပေးထားရပါတယ်။

Public Service Announcement

Public Service Announcement

တရုတ်နိုင်ငံ အနောက်ပိုင်းဟာ ငလျင်လှုပ်ခတ်မှုတွေ မကြာခဏ ဖြစ်ပွားတဲ့ ဒေသတစ်ခုပါ။ ၂၀၀၈ ခုနှစ်၊ မေလတုန်းက ဆီချွမ်မှာ ရစ်ချ်တာစကေး ၇.၉ အဆင့် ငလျင်ကြီးတစ်ခု လှုပ်ခတ်ခဲ့တာကြောင့် လူပေါင်း ၉ သောင်းနီးပါး အသက်ဆုံးရှုံးခဲ့ဖူးပါတယ်။

ဆက်စပ်သတင်းများ

နိုင်ငံတကာ

တရုတ် CSGဟာ ဖိလစ်ပိုင်နဲ့ ထိုင်ဝမ် ပိုင်းခြားထားတဲ့ ဘာရှီ ရေလက်ကြားကို ဖြတ်သန်းခဲ့တာတော့ မတွေ့ရဘူးလို့လည်း ကူက ဆက်ပြောပါတယ်။ အဲဒီရေလမ်းကြောင်းဟာ တရုတ်ရဲ့ စစ်လေယာဉ်တွေ၊ စစ်ရေယာဉ်တွေ မကြာခဏ ဖြတ်သန်းလေ့ရှိတဲ့ နေရာလည်း ဖြစ်ပါတယ်။

သတင်း

အဆိုပါခရီးစဉ်သည် စစ်အာဏာသိမ်းမှု ၃ နှစ်ကျော်ကာလအတွင်း စစ်ကောင်စီ၏ ရာထူးအမြင့်ဆုံး သွားရောက်မှုလည်း ဖြစ်သည်။

နိုင်ငံတကာ

ရေတွေက လူနေကျေးရွာတွေထဲထိ ရောက်လာတာကြောင့် ဒေသခံတွေ ခေါင်မိုးပေါ်တက်ပြီး ခိုလှုံကြရသလို စိုက်ခင်းတွေလည်း ပျက်စီးခဲ့တယ်လို့ သိရပါတယ်။

နိုင်ငံတကာ

Chang’e-6 အာကာသယာဉ်ဟာ မြေသားနမူနာတွေနဲ့အတူ ဇွန်လ ၂၅ ရက်နေ့တုန်းက အတွင်းမွန်ဂိုလီးယား သဲကန္တာရထဲကို လေထီးနဲ့ ဆင်းသက်လာနိုင်ခဲ့ပါတယ်။