Connect with us

Hi, what are you looking for?

LuduNwayOo

နိုင်ငံတကာ

ယူကရိန်းက F-16 တိုက်လေယာဉ်တွေ စသုံးတာနဲ့ တင်းတင်းမာမာ တုံ့ပြန်မယ်လို့ ရုရှား ခြိမ်းခြောက်

အမေရိကန်ကတော့ ယူကရိန်းဆီ တိုက်လေယာဉ်တွေ ကိုယ်တိုင် ထောက်ပံ့မှာ မဟုတ်ပေမယ့် ဥရောပ မဟာမိတ်တွေရဲ့ အစီအမံတွေကို လက်ခံကြောင်း ပြောကြားထားပါတယ်။

ယူကရိန်းက F-16 တိုက်လေယာဉ်တွေ စသုံးတာနဲ့ တင်းတင်းမာမာ တုံ့ပြန်မယ်လို့ ရုရှား ခြိမ်းခြောက်
ယူကရိန်းက F-16 တိုက်လေယာဉ်တွေ စသုံးတာနဲ့ တင်းတင်းမာမာ တုံ့ပြန်မယ်လို့ ရုရှား ခြိမ်းခြောက်

အမေရိကန်လုပ် F-16 တိုက်လေယာဉ်တွေကို ယူကရိန်းက စတင် အသုံးပြုလာပြီ ဆိုတာနဲ့ လိုအပ်သလို ထိထိရောက်ရောက် တုံ့ပြန်သွားမယ်လို့ ရုရှား အစိုးရက သတိပေး ခြိမ်းခြောက်လိုက်ပါတယ်။

ယူကရိန်း သမ္မတ ဗိုလိုဒီမာ ဇီလန်စကီးက ရုရှားရဲ့ ကျူးကျော်စစ်ပွဲ စတင်ချိန် ကတည်းက ရန်သူ့ လေကြောင်း စိုးမိုးနိုင်စွမ်း သာလွန်မှုကို တန်ပြန်ဖို့အတွက် F-16 တိုက်လေယာဉ်တွေကို အစဉ်တစိုက် တောင်းဆိုခဲ့ပါတယ်။ အခုအခါ ဥရောပ နိုင်ငံတချို့က သူတို့ရဲ့ F-16တွေကို ယူကရိန်းဆီ လွှဲပြောင်းပေးဖို့ စီစဉ်နေကြပါပြီ။ အမေရိကန်ကတော့ ယူကရိန်းဆီ တိုက်လေယာဉ်တွေ ကိုယ်တိုင် ထောက်ပံ့မှာ မဟုတ်ပေမယ့် ဥရောပ မဟာမိတ်တွေရဲ့ အစီအမံတွေကို လက်ခံကြောင်း ပြောကြားထားပါတယ်။

လောလောဆယ်မှာ ဥရောပ နိုင်ငံတချို့ဟာ ယူကရိန်း လေယာဉ်မှူးတွေကို F-16တွေနဲ့ အကျွမ်းတဝင် ရှိစေရေး လေ့ကျင့်ပေးဖို့ ဆွေးနွေးနေပါတယ်။ လေယာဉ်မှူးတွေကို လေ့ကျင့်ပေးပြီး လေယာဉ်တွေကို အမှန်တကယ် တိုက်ပွဲဝင်နိုင်တဲ့ အနေအထားမျိုးနဲ့ ယူကရိန်းဆီ လွှဲပေးမယ့် အဆင့်ထိဆိုရင် နောက်ထပ် လအတော်ကြာ အချိန်ယူရမယ့် သဘောမျိုး ရှိနေပါတယ်။

ရုရှား နိုင်ငံခြားရေးဝန်ကြီး ဆာဂျီ လက်ဗ်ရော့ဗ်က ယူကရိန်းဆီ F-16တွေ လွှဲပြောင်းပေးကြဖို့ ကြံစည်နေကြတဲ့ ကိစ္စကို ရုရှားက အလေးအနက် စောင့်ကြည့်နေကြောင်း သတိပေးပါတယ်။ F-16တွေဟာ နျူကလီးယား လက်နက်တွေပါ တင်ဆောင်ပြီး တိုက်ပွဲဝင်နိုင်တယ်ဆိုတဲ့ အရှိတရားကို ရုရှားက မျက်ကွယ် ပြုထားမှာ မဟုတ်ကြောင်း၊ ဒီတော့ ယူကရိန်းစီမှာ F-16တွေ စသုံးပြီ ဆိုတာနဲ့ ရုရှားကလည်း စစ်ရေးအရရော၊ မဟာဗျူဟာ ရှုထောင့်ကပါ ပြတ်ပြတ်သားသား တုံ့ပြန်မှာဖြစ်ကြောင်း လက်ဗ်ရော့ဗ်က ဆိုပါတယ်။

Public Service Announcement

Public Service Announcement

လက်ရှိ အချိန်ထိ အမေရိကန် သမ္မတ ဂျိုးဘိုင်ဒန်က ယူကရိန်းဆီ F-16တွေ ပို့ဆောင်မှာ မဟုတ်ဘူးလို့ ခေါင်းမာမာနဲ့ ဆက်လက် ငြင်းဆန်နေပေမယ့် မူဝါဒ အပြောင်းအလဲ တစ်ခုခု ဖြစ်လာတာနဲ့ အသင့်ဖြစ်နေအောင် အမေရိကန် လေကြောင်း နည်းပညာ လုပ်ငန်းစုကြီး Lockheed Martinက ပြင်ဆင်ထားတယ်လို့ ဆိုပါတယ်။ အမေရိကန်ဟာ F-16တွေကို ဆက်လက် မှာယူခြင်း မရှိတော့ပေမယ့်လည်း Lockheed Martin အနေနဲ့ တခြား ပြည်ပ နိုင်ငံတွေအတွက် အဲဒီ ဘက်စုံသုံး အပေါ့စား တိုက်လေယာဉ်တွေကို ဆက်လက် တည်ဆောက် ထုတ်လုပ်ပေးနေဆဲ ဖြစ်ပါတယ်။

ဆက်စပ်သတင်းများ

ဆောင်းပါး

မြဝတီမြို့ပြင်တိုက်ပွဲများကြောင့် မြို့ခံအချို့မှာ လုံခြုံရေးအခြေအနေစိုးရိမ်၍ ယခုရက်ပိုင်းအတွင်း ထိုင်းနိုင်ငံ၊​ မဲဆောက်မြို့သို့ ပြောင်းရွှေ့နေထိုင်မှုများလည်း ရှိနေသည်။

နိုင်ငံတကာ

အမေရိကန် လေတပ်ဟာ CCAလို့ နာမည်ပေးထားတဲ့ ပရောဂျက်ကို အကောင်အထည်ဖော် စမ်းသပ်နေတာ နှစ်နဲ့ချီ ကြာမြင့်ခဲ့ပြီ ဖြစ်ပြီး ရှိရင်းစွဲ တိုက်လေယာဉ်တွေကို လေယာဉ်မှူးတွေအစား AIက ဆုံးဖြတ် ပျံသန်းတာမျိုး ခိုင်းစေနေတာ ဖြစ်ပါတယ်။

နိုင်ငံတကာ

IAEAဟာ အရင်ကတည်းက ဇာပေါ့ရစ်ဇီရာ ဓာတ်အားပေးစက်ရုံ တိုက်ခိုက်ခံရနိုင်တဲ့ အခြေအနေနဲ့ ပတ်သက်ပြီး နှစ်ဖက်စလုံးကို အကြိမ်ကြိမ် သတိပေးခဲ့ဖူးပါတယ်။

နိုင်ငံတကာ

ရုရှားဖက်ကတော့ လေတပ်စခန်း တိုက်ခိုက်ခံရတယ် ဆိုတာကို ငြင်းဆိုပြီး ရော့စတော့ဗ်အပြင် အနီးတဝိုက် ဒေသတွေကို ကျူးကျော်လာတဲ့ ရန်သူဒရုန်း ၄၀ ကျော်ကို အကုန်အစင် ကြားဖြတ် ပစ်ချနိုင်ခဲ့တယ်လို့ ထုတ်ပြန်ထားပါတယ်။