Connect with us

Hi, what are you looking for?

LuduNwayOo

နိုင်ငံတကာ

MiGတွေအစား F-16တွေ မောင်းနှင်ရတာ Nokiaကနေ iPhone ပြောင်းကိုင်ရသလိုပဲလို့ ယူကရိန်း တိုက်လေယာဉ်မှူးပြော

သူမောင်းနှင်နေကျ MiGတွေနဲ့ ယှဉ်လိုက်ရင် F-16တွေက အရမ်းပေါ့ပါးဖျတ်လတ်ပြီး စိတ်ထဲရှိတဲ့အတိုင်း ပျံသန်းနိုင်စွမ်း အများကြီး ပိုသာကြောင်းလည်း Moonfishက ပြောပါတယ်။

MiGတွေအစား F-16တွေ မောင်းနှင်ရတာ Nokiaကနေ iPhone ပြောင်းကိုင်ရသလိုပဲလို့ ယူကရိန်း တိုက်လေယာဉ်မှူးပြော
MiGတွေအစား F-16တွေ မောင်းနှင်ရတာ Nokiaကနေ iPhone ပြောင်းကိုင်ရသလိုပဲလို့ ယူကရိန်း တိုက်လေယာဉ်မှူးပြော

F-16 တိုက်လေယာဉ်တွေကို မောင်းနှင်ရတာဟာ Nokia ဖုန်းအဟောင်းလေးကနေ iPhoneကို ပြောင်းကိုင်လိုက်ရသလို ခံစားရတယ်လို့ ယူကရိန်း တိုက်လေယာဉ်မှူး တစ်ဦးက ပြောပါတယ်။

ယူကရိန်း သမ္မတ ဗိုလိုဒီမာ ဇီလန်စကီးရဲ့ ကာလရှည်ကြာ တောင်းဆိုမှုကို အနောက်မဟာမိတ် နိုင်ငံတွေက လိုက်လျောပြီး အမေရိကန်လုပ် F-16တွေ ထောက်ပံ့ပေးဖို့ သဘောတူခဲ့တဲ့နောက် ယူကရိန်း လေယာဉ်မှူးတွေကို F-16တွေနဲ့ စတင်လေ့ကျင့်ပေးနေပြီ ဖြစ်ပါတယ်။ လေ့ကျင့်မှုတွေ ပြီးမြောက်ရင် ယူကရိန်းဆီ ပထမအသုတ် F-16တွေ လွှဲပေးဖို့လည်း အနောက်မဟာမိတ် နိုင်ငံတွေက စီစဉ်ထားပါတယ်။

ယူကရိန်းဟာ အစဉ်အလာအရ MiG-29လိုမျိုး ဆိုဗီယက်လုပ် သက်တမ်းရင့် တိုက်လေယာဉ်တွေကိုသာ အားကိုးခဲ့ရပြီး ရုရှားနဲ့ စစ်ဖြစ်လာချိန်မှာ ဝေဟင်စိုးမိုးမှုကို ရန်သူ့ဆီ စောစောစီးစီး ဆုံးရှုံး ခံလိုက်ရပါတယ်။ ဇီလန်စကီးကတော့ F-16တွေ ပိုင်ဆိုင်လာရင် အဲဒီ အခြေအနေကို ပြောင်းလဲပစ်နိုင်မယ်လို့ မျှော်လင့်နေပါတယ်။ အမေရိကန်ရဲ့ စဉ်ဆက်မပြတ် အဆင့်မြှင့်ထားတဲ့ တိုက်လေယာဉ်တွေရဲ့ စွမ်းဆောင်ရည်၊ နည်းပညာ မြင့်မားမှုတွေဟာ လက်ရှိ လေ့ကျင့် ပျံသန်းနေတဲ့ ယူကရိန်း တိုက်လေယာဉ်မှူးတွေကို အံ့ဩ မင်သက်စေခဲ့တယ်လို့ ဆိုပါတယ်။

Moonfishဆိုတဲ့ ကုတ်ဒ်နာမည်ကို ယူထားတဲ့ တိုက်လေယာဉ်မှူးဟာ ဒိန်းမတ်နိုင်ငံ၊ စခရစ်ပ်ထရုပ် လေတပ်စခန်းမှာ F-16တွေကို လေ့ကျင့် ပျံသန်းနေတဲ့ ယူကရိန်း လေယာဉ်မှူး ၆ ဦးထဲမှာ ပါဝင်ပါတယ်။ F-16တွေဟာ တကယ့်ကို အံ့ဩလောက်အောင် ထူးကဲတဲံ လေယာဉ်တွေလို့ သူက ညွှန်းဆိုပါတယ်။

Public Service Announcement

Public Service Announcement

F-16တွေဟာ ထိန်းကျောင်း ပျံသန်းရတာ ပိုလွယ်ကူသလို စစ်ကစားနိုင်စွမ်းလည်း အရမ်းမြင့်မားကြောင်း၊ ဒါပေမဲ့ နည်းပညာပိုင်းက ခေတ်ရှေ့ပြေးလွန်းတဲ့အတွက် အမီလိုက်ဖို့တော့ နည်းနည်း ရုန်းကန်ရကြောင်း Moonfishက ရှင်းပြပါတယ်။

သူမောင်းနေကျ တိုက်လေယာဉ်တွေပေါ်ကနေ F-16တွေဆီ ကူးပြောင်းရတာဟာ Nokia ဖုန်းအဟောင်းလေး သုံးနေရာကနေ ရုတ်တရက် iPhone ပြောင်းကိုင်ရသလို ဖြစ်သွားပြီး အဆင့်တွေ အတော်များများကို ခုန်ပျံ ကျော်လွှားခဲ့ရကြောင်းလည်း လေယာဉ်မှူးက ဆိုပါတယ်။

သူမောင်းနှင်နေကျ MiGတွေနဲ့ ယှဉ်လိုက်ရင် F-16တွေက အရမ်းပေါ့ပါးဖျတ်လတ်ပြီး စိတ်ထဲရှိတဲ့အတိုင်း ပျံသန်းနိုင်စွမ်း အများကြီး ပိုသာကြောင်းလည်း Moonfishက ပြောပါတယ်။

ဒိန်းမတ် ကာကွယ်ရေးဝန်ကြီး ထရိုးလ်စ်လွန် ပူလ်ဆန်က ပထမအသုတ် F-16တွေဟာ အခုနွေရာသီမှာ ဒိန်းမတ်ကို ရောက်ရှိမယ်လို့ ခန့်မှန်းထားကြောင်း ပြောပါတယ်။ ဒါပေမဲ့ ယူကရိန်း လေယာဉ်မှူးတွေ သင်တန်းဆင်းနိုင်မယ့် အချိန်နဲ့ လေယာဉ်တွေ လက်လွှဲပေးမယ့် ကာလကို အတိအကျ သတ်မှတ်ဖို့တော့ အဆင်မပြေသေးဘူးလို့ ဝန်ကြီးက မှတ်ချက်ပေးသွားခဲ့ပါတယ်။

F-16တွေဟာ ပေါ့ပါးပြီး ဘက်စုံသုံး စစ်ဆင်ရေးတွေအတွက် ရည်ရွယ် တည်ဆောက်ထားသလို ပေါင် ၂၀၀၀ လောက် အလေးချိန်ရှိတဲ့ ဗုံးတွေ၊ ဒုံးကျည်တွေကို တင်ပြီး မိုင် ၅၀၀ ကျော်ထိ ပျံသန်းနိုင်ပါတယ်။ F-16တွေမှာ တာဝေးပစ် ဒုံးကျည်တွေ တပ်ဆင်နိုင်ခြင်းကလည်း ရုရှားရဲ့ မြေပြင်အခြေစိုက် လေကြောင်း ကာကွယ်ရေး စနစ်တွေပေါ်ကနေ စွန့်စား ဖြတ်ပျံစရာ မလိုဘဲ ပစ်မှတ်တွေကို အဝေးကနေ ချေမှုန်းနိုင်မှာ ဖြစ်တာကြောင့် ယူကရိန်းအတွက် ကြီးမားတဲ့ စစ်ရေး အားသာချက်တွေ ရရှိလာနိုင်ကြောင်း လေ့လာသူတွေက သုံးသပ်ထားပါတယ်။

ကိုးကား: Business Insider

ဆက်စပ်သတင်းများ

နိုင်ငံတကာ

ရုရှား အစိုးရ ပြောရေးဆိုခွင့်ရ အရာရှိ ဒစ်မစ်ထရီ ပက်စ်ကော့ဗ်ကတော့ အခုဆုံးဖြတ်ချက်ဟာ အမေရိကန်ကို ကြွယ်ဝသထက် ကြွယ်ဝစေပြီး ယူကရိန်း အတွက်တော့ နောက်ထပ် အသက်တွေ စတေးရင်း တွင်းဆုံးကျစေမယ့် ကိစ္စမျိုးလို့ တုံ့ပြန်သွားပါတယ်။

နိုင်ငံတကာ

BBCရဲ့ အဆိုအရ စစ်ပွဲမှာ ရုရှား စစ်သည် ၅၀၀၀၀ ကျော် သေဆုံးခဲ့ပြီးဖြစ်ကြောင်း၊ ဒါဟာ ၂၀၂၂ ခုနှစ်၊ စက်တင်ဘာလတုန်းက နောက်ဆုံးအကြိမ်အဖြစ် တရားဝင် ထုတ်ပြန်ခဲ့တဲ့ အသေအပျောက် စာရင်းထက် ၈ ဆ ပိုများနေတာဖြစ်ကြောင်း သိရပါတယ်။

ဆောင်းပါး

မြဝတီမြို့ပြင်တိုက်ပွဲများကြောင့် မြို့ခံအချို့မှာ လုံခြုံရေးအခြေအနေစိုးရိမ်၍ ယခုရက်ပိုင်းအတွင်း ထိုင်းနိုင်ငံ၊​ မဲဆောက်မြို့သို့ ပြောင်းရွှေ့နေထိုင်မှုများလည်း ရှိနေသည်။

နိုင်ငံတကာ

အမေရိကန် လေတပ်ဟာ CCAလို့ နာမည်ပေးထားတဲ့ ပရောဂျက်ကို အကောင်အထည်ဖော် စမ်းသပ်နေတာ နှစ်နဲ့ချီ ကြာမြင့်ခဲ့ပြီ ဖြစ်ပြီး ရှိရင်းစွဲ တိုက်လေယာဉ်တွေကို လေယာဉ်မှူးတွေအစား AIက ဆုံးဖြတ် ပျံသန်းတာမျိုး ခိုင်းစေနေတာ ဖြစ်ပါတယ်။