'/%3E%3C/svg%3E){kind=small}
ဇွန်-၂၇၊ ၂၀၂၅။ မေရီ/People’s Spring
မန္တလေးတိုင်း၊ မိုးကုတ်မြို့မှာ မိုးသည်းထန်စွာ ရွာသွန်းမှုကြောင့် မြို့ပေါ်ရပ်ကွက်တချို့ ရေကြီးရေလျှံနေကြောင်း ဒေသခံတွေက ပြောပါတယ်။
မနေ့ ဇွန်လ(၂၆)ရက် ညပိုင်းကတည်းက ရွာသွန်းနေတဲ့မိုးကြောင့် မိုးကုတ်မြို့ပေါ်က ရပ်ကွက်တချို့မှာ ရေမစီးဆင်းတော့ဘဲ ရေလျှံနေကြောင်း၊ ရေတွေဟာ နေအိမ်ထဲအထိ ဝင်ရောက်နေပြီး ပစ္စည်းတချို့ ရေဝင်ပျက်စီးတာတွေရှိနေကြောင်း ဒေသခံတွေက ပြောပါတယ်။
“အခုမနက်ထိကို မိုးကကောင်းနေတုန်းပဲ။ လေကြောင်းရန်ကတမျိုး မိုးကတမျိုးနဲ့”လို့ မိုးကုတ်ဒေသခံအမျိုးသမီးတဦးက ပြောပါတယ်။
Public Service Announcement
ဒီကနေ့မနက်ပိုင်းအထိ ရေကြီးရေလျှံနေပြီး မိုးကလည်းဆက်ရွာနေတဲ့အတွက် ရေပိုကြီးလာမှာကို ဒေသခံတွေက စိုးရိမ်နေတယ်လို့ သိရပါတယ်။
တော်လှန်ရေးတပ်တွေ သိမ်းပိုက်ထားတဲ့ မိုးကုတ်မြို့ကို စစ်ကောင်စီက လေကြောင်းနဲ့ မကြာခဏ ဗုံးကြဲတိုက်ခိုက်နေပြီး ဇွန်လ ၂၅ ရက် ညပိုင်းက အုန်းကိုင်းကွက်သစ်နဲ့ ဘုန်းကြီးကျောင်းကို လေကြောင်းတိုက်ခိုက်ခဲ့လို့ ပြည်သူ ၃ဦးထိခိုက်ဒဏ်ရာရပြီး နေအိမ်များနဲ့ဘုန်းကြီး ကျောင်းပျက်စီးခဲ့ပါသေးတယ်။
NUG ရဲ့ မိုးလေဝသဌာနကတော့ မန္တလေးတိုင်းအပါအဝင် တိုင်းနဲ့ပြည်နယ်တချို့ ဇွန်လ (၂၉)ရက်အထိ မိုးများနိုင်ကြောင်း ခန့်မှန်းထားပါတယ်။
