ဇူလိုင်-၂၄၊၂၀၂၅။ဇေအောင်/People’s Spring
ဇူလိုင်လပထမလဝက်အတွင်း ကာကွယ်ရေးအဖွဲ့တွေဆီ အလင်းဝင်လာသူ စစ်ကောင်စီတပ်ဖွဲ့ဝင် ၇၀ ဦးရှိပြီးသုံးပုံတစ်ပုံမှာစစ်မှုထမ်းတပ်သားသစ်များဖြစ်ကြောင်း သတင်းရရှိပါတယ်။
အလင်းဝင်လိုသူတွေကို ချိတ်ဆက်ကူညီပေးနေတဲ့ပြည်သူ့ပန်းတိုင်အဖွဲ့ကကောက်ယူထားတဲ့ မှတ်တမ်းတွေအရဇူလိုင်လ ပထမလဝက်အတွင်း အလင်းဝင်သူ စုစုပေါင်း ၇၀ ဦး ရှိတယ်လို့ သိရပါတယ်။
အလင်းဝင်သူများမှာစစ်ကောင်စီတပ်သား ၄၈ ဦး၊ ရဲ ၄ ဦး၊ ပြည်သူ့စစ် ၁၈ ဦး ဖြစ်ကြောင်း၊ အလင်းဝင်စစ်သား ၄၈ ဦးအနက် ၂၆ ဦးမှာ စစ်မှုထမ်း တပ်သားသစ်များဖြစ်ကြောင်း ပြည်သူ့ပန်းတိုင်က အသိပေးပါတယ်။
Public Service Announcement
အလင်းဝင်သူတွေဟာ စစ်ကိုင်းတိုင်းက (၃၁)ဦး၊ တနင်္သါရီတိုင်းက (၁၄) ဦး၊ချင်းပြည်နယ်က(၁၁)ဦးနဲ့ ရန်ကုန်၊ မန္တလေး၊ နေပြည်တော်၊ ပဲခူး၊ ကရင်၊ မကွေးတို့က (၁၄)ဦးတို့ ဖြစ်ကြောင်းပြည်သူ့ပန်းတိုင်ရဲ့ စာရင်းတွေမှာ ဖော်ပြထားပါတယ်။
ပြည်သူ့ပန်းတိုင်က ကောက်ယူထားတဲ့ မှတ်တမ်းများအရ၂၀၂၅ ခုနှစ် ဇန်နဝါရီလမှဇူလိုင်လ ဒုတိယပတ်အထိ အလင်းဝင်၊ လက်နက်ချ၊ စစ်သုံ့ပန်းစုစုပေါင်း – ၁၆၄၃ ဦးထိရှိခဲ့ကြောင်း သတင်းရရှိပါတယ်။
အာဏာသိမ်းစစ်ကောင်စီ၏အတင်းအဓမ္မစစ်သားစုဆောင်းခံရသော တပ်သားသစ်တွေအနေနဲ့အခွင့်သာတဲ့ အချိန်တိုင်း တော်လှန် ရေးအင်အားစုတွေဆီ ဆက်သွယ်ပြီးပြည်သူ့ရင်ခွင်သို့အမြန်ဆုံးကူးပြောင်းခိုလှုံဖို့ အမျိုးသားညီညွတ်ရေးအစိုးရက(NUG)က တိုက် တွန်းထားပါတယ်။
စစ်ကောင်စီကစစ်မှုထမ်းအပတ်စဥ်(၁၆)ကို စတငဖို့ ကြိုးစားနေပြီး မန္တလေးမြို့ပေါ်မှာတင် လူငယ်တွေ အများအပြား စစ်မှုထမ်းဖို့ မဲနှိုက်နေကြရပါတယ်။
