အောက်တိုဘာ-၂၈၊၂၀၂၅၊ ရှိန်း/ People’s Spring
မန္တလေးတိုင်း၊မတ္တရာမြို့နယ်က စစ်ရှောင်တွေရှိတဲ့နေရာကို စစ်ကောင်စီတပ်က လေကြောင်းက နေ ဗုံးကြဲတိုက်ခိုက်ခဲ့လို့ ရဲဘော် ၁ဦး အပါအဝင် ၃ဦး သေဆုံးပြီး ၂ဦး ထိခိုက်ဒဏ်ရာရခဲ့တယ်လို့ ဒေသခံတွေက ပြောပါတယ်။
မတ္တရာမြို့နယ်အ ရှေ့မြောက်ခြမ်းက သပြေ ချောင် ကျေးရွာကို အောက်တိုဘာ၂၆ ရက် ညနေ ၆နာရီ၄၀ မိနစ်မှာ စစ်တပ်က လေယာဉ်နဲ့ ဗုံးကြဲတိုက်ခိုက်ခဲ့တာလို့ သိရပါတယ်။
ဗုံးထိမှန်ပြီး PDFရဲ ဘော် ၁ဦးနဲ့ ပြည်သူ ၂ဦး သေဆုံးပြီး ၂ဦး ထိခိုက်ဒဏ်ရာရခဲ့တယ်လို့ ဒေသခံက ပြောပါတယ်။
Public Service Announcement
” ထိခိုက်သူတွေရဲ့ အသေးစိတ်အခြေ အနေကို မသိရဘူး။အဲဒီ နေ့က ညကြီးလာကြဲတာ။ပြီးတော့ ဖြစ်ဖြစ်ပြီး ချင်း ချက်ချင်း သဂြိုဟ်လိုက်ရတယ်”လို့ ဒေသခံတဦးက ပြောပါတယ်။
လေကြောင်းတိုက်ခံရတဲ့ ကျေးရွာနဲ့ (၁)မိုင်အကွာမှာ စစ်တပ်က စစ်ကြောင်းထိုးပြီး ကျေးရွာတွေကို ဝင်စီးထားတာမို့ ဒေသခံတွေ စစ်ဘေးရှောင် နေရချိန် ယခုလို လေကြောင်းတိုက်ခံရတာလို့ သိရပါတယ်။
စစ်တပ်က မတ္တရာမြို့နယ်နဲ့ စဉ့်ကူးမြို့နယ်ကို လေကြောင်းတိုက်ခိုက်မှု တွေပြုလုပ်နေပြီး အဲဒီနေ့ ညနေ ၃နာရီကျော်မှာလည်း မတ္တရာနဲ့ စဉ့်ကူးမြို့နယ်အစပ်က ကောင်းဆက်သာဆီဆိုင်ကို ဗုံးကြဲခဲ့တာမို့ ဆိုင်မန်နေဂျာ သေဆုံးပြီး ၆ဦး ဒဏ်ရာရခဲ့တယ်လို့ သိရပါတယ်။
