နိုဝင်ဘာ-၁၀၊၂၀၂၅။ သုည/People’s Spring
စစ်ကိုင်းတိုင်းနဲ့ ကရင်နီပြည်နယ်အတွင်းက သပိတ်အဖွဲ့တွေ၊ ဒေသခံပြည်သူတွေဟာ စစ်ကောင်စီရွေးကောက်ပွဲဆန့်ကျင်ရေး လှုပ်ရှားမှုတွေ ဒီကနေ့ (နိုဝင်ဘာ ၁၀) မှာ အသီးသီးပြုလုပ်ခဲ့ပါတယ်။
စစ်ကိုင်းတိုင်း၊ ယင်းမာပင်မြို့နယ်မြောက်ခြမ်းမှာ နောက်ပြန်မလှည့်ကြေးဒီတော်လှန်ရေးသပိတ်စစ်ကြောင်းမှ “သင့်မဲဖြင့် တရားဝင် လူသတ်ခွင့်မပေးနဲ့” ၊ “ဖက်ဆစ်ရွေးကောက် ခွေးထွက်ပေါက် မဲမပေးနဲ့သပိတ်မှောက်” စာသားတွေကိုင်ဆောင်ကာ စစ်ကောင်စီ ပြုလုပ်မယ့် ရွေးကောက်ပွဲကို ဆန့်ကျင်ကြောင်း ဆန္ဒထုတ်ဖော်ခဲ့ပါတယ်။
ယင်းမာပင်မြို့နယ် ကျေးရွာတစ်ရွာမှာလည်း အောင်လံလွှင့်မည် ဒေါင်းသွေးနီ သပိတ် စစ်ကြောင်းက “သင့်မဲဖြင့် တရားဝင်လူသတ်ခွင့် မပေးနဲ့” ဘန်နာကိုင်ဆောင်ကာ ရွေးကောက်ပွဲဆန့်ကျင်ရေး တောင်ယာသပိတ်နဲ့ ဆန္ဒထုတ်ဖော်ခဲ့ပါတယ်။
Public Service Announcement
ကရင်နီပြည်နယ်မှာလည်း အမျိုးသားလူငယ်အစည်းအရုံးမှ ပြည်သူလူထုနဲ့ လူငယ်တွေကို စစ်ကောင်စီက ကျင်းပမယ့် ရွေးကောက်ပွဲပုံစံနဲ့မြန်မာနိုင်ငံရဲ့ ရွေးကောက်ပွဲသမိုင်းကြောင်း ၊ ဖွဲ့စည်းပုံအခြေခံဥပဒေ ၊ ဖက်ဒရယ်နဲ့ လက်ရှိ ကရင်နီပြည်ရဲ့ နိုင်ငံရေးအခြေအနေတွေ ဆွေးနွေးခဲ့ပါတယ်။
ဒါ့အပြင် စစ်ကောင်စီရွေးကောက်ပွဲဆန့်ကျင်ရေး ဓါတ်ပုံကမ်ပိန်းပြုလုပ်ခဲ့ပြီး လက်ကမ်းစာစောင်ဖြန့်ဝေခြင်းနဲ့ ပိုစတာလိုက်လံကပ်တာတွေ ကရင်နီပြည်တွင်း တနေရာမှာလည်း ပြုလုပ်ခဲ့ပါတယ်။
ဓာတ်ပုံ – ရွာပေါင်းစုံသပိတ်၊ စစ်ကိုင်းဒေသသပိတ်အင်အားစု၊ ကရင်နီအမျိုးသားလူငယ်အစည်းအရုံး
