ဒီဇင်ဘာ-၁၅၊ ၂၀၂၅။ဇေအောင်/People’s Spring
စစ်ကိုင်းတိုင်း၊ ရွှေဘိုမြို့အတွင်း တော်လှန်ရေးရဲဘော်တွေ ဝင်ရောက်ပြီး စစ်တပ်ပြုလုပ်မယ့် ရွေးကောက်ပွဲကို ဆန့်ကျင်ကြဖို့ တိုက်တွန်းနှိုးဆော်သွားကြောင်း သတင်းရရှိပါတယ်။
ဒီနေ့ ဒီဇင်ဘာ ၁၅ ရက် နေ့လယ် ၁၂နာရီခန့်က ရွှေဘိုမြို့ပေါ်က အဝေးပြေးကားကြီးဝင်းထိပ်တံတားပေါ်၊ အလောင်းမင်းတရားကြီး ဦးအောင်ဇေယျရုပ်ထုရှေ့၊ အလက(၁)ကျောင်းမျက်နှာချင်းဆိုင် စိုက်ပျိုးရေးရုံးရှေ့နဲ့ ရွှေဘို-ရေဦး လမ်းထိပ်နေရာတွေမှာ စစ်တပ်ရဲ့ရွေးကောက်ပွဲကို ဆန့်ကျင်ကြဖို့ ဗီနိုင်းတွေ ချိတ်ဆွဲခြင်း၊ လက်ကမ်းစာစောင်တွေ မျှဝေခြင်း၊ အတုအယောင်ရွေးကောက်ပွဲဆန့်ကျင်ရေးကဗျာတွေ ရွတ်ဖတ်ပြီး နှိုးဆော်တာတွေ ပြုလုပ်ခဲ့တယ်လို့ ရွှေဘိုမြို့နယ်ပြည်သူ့ကာကွယ်ရေးအဖွဲ့(PDO)၊ တိုက်နယ် ပကဖအဖွဲ့က ထုတ်ပြန်ပါတယ်။
ရွှေဘိုမြို့ပေါ်မှာ ဗီနိုးပိုစတာများ ချိတ်ဆွဲခဲ့ကြတဲ့ တော်လှန်ရေးရဲဘော်များအား တွေ့ရစဥ် ဓာတ်ပုံ-ရွှေဘိုပကဖ ရွှေဘိုမြို့ပေါ်မှာ ဗီနိုးပိုစတာများ ချိတ်ဆွဲခဲ့ကြတဲ့ တော်လှန်ရေးရဲဘော်များအား တွေ့ရစဥ် ဓာတ်ပုံ-ရွှေဘိုပကဖ ရွှေဘိုမြို့ပေါ်မှာ ဗီနိုးပိုစတာများ ချိတ်ဆွဲခဲ့ကြတဲ့ တော်လှန်ရေးရဲဘော်များအား တွေ့ရစဥ် ဓာတ်ပုံ-ရွှေဘိုပကဖ ရွှေဘိုမြို့ပေါ်မှာ ဗီနိုးပိုစတာများ ချိတ်ဆွဲခဲ့ကြတဲ့ တော်လှန်ရေးရဲဘော်များအား တွေ့ရစဥ် ဓာတ်ပုံ-ရွှေဘိုပကဖ
စစ်ကောင်စီဟာ ရွေးကောက်ပွဲကျင်းပနိုင်ဖို့ ရွှေဘိုမြို့ပေါ်မှာ လုံခြုံရေးတင်းကြပ်ထားတဲ့ကြားကနေ တော်လှန်ရေးရဲဘော်တွေဟာ မြို့ပေါ်လူစည်ကားတဲ့နေရာတွေအထိ တက်ရောက်လှုံ့ဆော်ခဲ့တာဖြစ်ကြောင်း ရွှေဘိုပကဖအဖွဲ့က အသိပေးပါတယ်။
Public Service Announcement
ထုတ်ပြန်ချက်နဲ့ပတ်သက်ပြီး ရွှေဘိုပကဖကို ဆက်သွယ်မေးမြန်းထားပြီး ပြန်လည်ဖြေကြားတာ မရှိသေးပါဘူး။
စစ်ကောင်စီတပ်ဟာ တော်လှန်ရေးရဲဘော်တွေ ထွက်ခွာသွားပြီးမှ ရောက်ရှိလာပြီး အော်ဟစ် ဆဲဆိုကာ ဗီနိုင်းတွေ လာရောက်ဖျက်ဆီးသွားကြောင်း သိရပါတယ်။
မုံရွာမြို့နယ်မှာလည်း စစ်ကောင်စီရွေးကောက်ပွဲကို ဆန့်ကျင်ကြဖို့နဲ့ ရွေးကောက်ပွဲဝင်တဲ့ ကိုယ်စားလှယ်လောင်းတွေကို အရေးယူဖို့ တော်လှန်ရေးအင်အားစုတွေက ဗီနိုင်းတွေ စိုက်ထူနေကြပါတယ်။
