သံအမတ်ကြီး ဦးကျော်မိုးထွန်း ကုလမှာ ဆက်တာဝန်ထမ်းဆောင်ရေး ရွှေဘိုနဲ့ ဆားလင်းကြီးမှာ လှုပ်ရှားမှု ပြုလုပ်

အောက်တိုဘာ ၁၂၊၂၀၂၆။သုည/People’s Spring

စစ်ကိုင်းတိုင်း ရွှေဘိုနဲ့ ဆားလင်းကြီးမြို့နယ်တို့မှာ တော်လှန်သပိတ်အင်အားစုတွေ၊ ဒေသခံပြည်သူတွေက မြန်မာနိုင်ငံရဲ့ ကုလသမဂ္ဂဆိုင်ရာ အမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ကုလသမဂ္ဂမှာ ဆက်လက်တာဝန်ထမ်းဆောင်နိုင်ရေးအတွက် လှုပ်ရှားမှုတွေကို ဒီကနေ့ (အောက်တိုဘာ ၁၂) ပြုလုပ်ခဲ့ပါတယ်။

ဆားလင်းကြီးမြို့ပေါ်မှာ “Our Ambassador, Our Voice, Our Representative, ငါတို့သံအမတ် ငါတို့အသံ” ဆိုတဲ့ ဗီနိုင်းကို ချိတ်ဆွဲကာ သံအမတ်ကြီး ဦးကျော်မိုးထွန်းကို ထောက်ခံ​​​​ကြောင်း ဆန္ဒထုတ်ဖော်ပြသခဲ့ပါတယ်။

ယင်းလှုပ်ရှားမှုကို SPDF၊ တိုက်နယ် ပကဖ လက်ရုံးတပ်ခွဲနဲ့ မြို့ပေါ် ပအဖအဖွဲ့တွေ ပူးပေါင်းပါဝင်ခဲ့လုပ်ဆောင်ခဲ့ကြတာပါ။

Public Service Announcement

ရွှေဘိုမြို့နယ်မှာလည်း သပိတ်အင်အားစုဝင် ရဲဘော်တွေက (၈၁) ကြိမ်မြောက် ကုလသမဂ္ဂ အထွေထွေညီလာခံ အထောက်အထားဆိုင်ရာ ကော်မတီမှာ သံအမတ်ကြီး ဦးကျော်မိုးထွန်း ဆက်လက်နေရာ ရရေးအတွက် Billboard တွေ စိုက်ထူပြီး လူထုလှုပ်ရှားမှု ပြုလုပ်ခဲ့ပါတယ်။

ကုလသမဂ္ဂ စင်မြင့်ထက်မှာ သံအမတ်ကြီး ဦးကျော်မိုးထွန်း ဆက်လက်တည်ရှိနေမှသာ မြန်မာပြည်သူလူထု ကြုံတွေ့ခံစားနေရတဲ့ အကြမ်းဖက်ဖိနှိပ်မှုတွေကို အမှန်တရားအတိုင်း ကမ္ဘာက သိမြင်ခွင့်ရမှာ ဖြစ်ကြောင်း ရွှေဘိုသပိတ်အင်အားစုက ဖော်ပြခဲ့ပါတယ်။

ဒါ့ကြောင့် မြန်မာပြည်သူလူထုရဲ့ အသံကို ထင်ဟပ်ဖော်ပြနိုင်ဖို့မြန်မာပြည်သူလူထုဘက်က ရပ်တည်ပေးခဲ့တဲ့ သံအမတ်ကြီး ဦးကျော်မိုးထွန်းသာ ဆက်လက် ကိုယ်စားပြုခွင့်ရဖို့ အရေးကြီးတယ်လို့လည်း အသိပေးထားပါတယ်။