စစ်ကိုင်းနဲ့ မကွေးတိုင်းမှာ စစ်အာဏာရှင်ဆန့်ကျင်ရေးနဲ့ နိုင်ငံတကာအမျိုးသမီးများနေ့ လှုပ်ရှားမှုတွေ ပြုလုပ်

မတ်-၁၆၊၂၀၂၆။သုည/People’s Spring

စစ်ကိုင်းနဲ့ မကွေးတိုင်းက သပိတ်အဖွဲ့တွေ၊ ဒေသခံပြည်သူတွေဟာ စစ်အာဏာရှင်ဆန့်ကျင်ရေးနဲ့ နိုင်ငံတကာအမျိုးသမီးများနေ့ လူထုလှုပ်ရှားမှုတွေကို ဒီကနေ့ (မတ်လ ၁၆)မှာ ပြုလုပ်ခဲ့ပါတယ်။

စစ်ကိုင်းတိုင်း ယင်းမာပင်မြို့နယ်မှာ အောင်လံလွှင့်မည် ရွှေရေကြည် သပိတ်စစ်ကြောင်းက ဒေသခံပြည်သူတွေနဲ့ ပူးပေါင်းပြီး စစ်အာဏာရှင်ဆန့်ကျင်ရေး ဆန္ဒပြသပိတ်ကို ပြုလုပ်ခဲ့ကြပါတယ်။

တော်လှန်ပြည်သူတွေက “အောင်လံလွှင့်မည် ရွှေရေကြည် လူထုသပိတ်” စာသားကိုင်ဆွဲပြီး စစ်အာဏာရှင်စနစ်ကို ဆန့်ကျင်ဖို့နဲ့ စစ်တပ်ထုတ်ကုန် မသုံးစွဲကြဖို့ ကြွေးကြော်သံတွေနဲ့ ချီတက်ဆန္ဒပြခဲ့ပါတယ်။

Public Service Announcement

မကွေးတိုင်း ယောဒေသမှာလည်း မတ်လမှာကျရောက်တဲ့ နိုင်ငံတကာအမျိုးသမီးများနေ့ လှုပ်ရှားမှုအဖြစ် အမျိုးသမီးများနေ့အကြောင်းနဲ့အမျိုးသမီး​အခွင့်ရေးအကြောင်း ဟောပြောပွဲပြုလုပ်ကာ အမျိုးသမီးသုံးပစ္စည်းတွေလည်း ဝေငှပေးခဲ့ကြပါတယ်။

ဓာတ်ပုံ – စစ်ကိုင်းဒေသသပိတ်အင်အားစု၊ ယောလူထုတိုက်ပွဲကော်မတီ