'/%3E%3C/svg%3E){kind=small}
မေ-၂၄၊၂၀၂၆။ဇော်ရမ်း/People’s Spring
ကချင်ပြည်နယ်၊ ဖားကန့်ဒေသမှာ ဒီနေ့ မေလ ၂၄ရက် နေ့လယ်ပိုင်းမှာ ရေမဆေးကျောက်ရှာသူတွေရှိနေတဲ့ မြေစာပုံပြိုကျပြီး ရေမဆေးသမား သုံးဦး ဒဏ်ရာရသွားပါတယ်။
ဘဇံချောင်တောင်ကြောလို့ လူသိများတဲ့နေရာမှာ နေ့လယ် ၁၂နာရီခန့် ပေ ၁၀၀ခန့် မြင့်တဲ့ မြေစာပုံ ပြိုကျတာလို့ ဒေသခံတွေက ပြောပါတယ်။
အဲ့ဒီပတ်ဝန်းကျင်မှာ ရေမဆေးကျောက်ရှာသူ ၅၀ဦးထက်မနည်း ရှိပေမယ့် ၃ဦး မြေပိပြီး ဒဏ်ရာရခဲ့တယ်လို့ သိရပါတယ်။
Public Service Announcement
” ဆက်မပြိုတာရယ်၊ ဘေးလူတွေ ဝိုင်းကယ်ကြတာရယ်ကြောင့် ဆွဲထုတ်နိုင်တာ။ ဒဏ်ရာတော့ ရတယ်။ ဆေးခန်းပို့လိုက်ရတယ်”လို့ ရေမဆေးကျောက်ရှာသူတစ်ဦးက ပြောပါတယ်။
ပြီးခဲ့တဲ့ ဧပြီ ၂၂ရက်ညနေပိုင်းကလည်း ဖားကန့်မြို့နယ်၊ မှော်စီဆာကျေးရွာက ကျောက်စိမ်းတူးဖော်ရေး လုပ်ကွက်တစ်ခု ပြိုကျပြီး လူတချို့နဲ့ စက်ယန္တရားတွေ မြေပိသွားခဲ့ပါတယ်။
ဖားကန့်ဒေသမှာ စစ်တပ်နဲ့ KIA၊KPDF စစ်ရေးတင်းမာနေပြီး ဒရုန်းနဲ့ လက်နက်ကြီးပစ်ခတ်မှုတွေ၊ မိုင်းပေါက်ကွဲမှုတွေ ရှိနေပါတယ်။
