နွားထိုးကြီးက စစ်တပ်စခန်းတွေကို တော်လှန်ရေးတပ်တွေ တိုက်ခိုက်၊ ဒရုန်း ၁စီးသိမ်းရ

ဇူလိုင်-၁၈၊၂၀၂၆၊ကတ်သရင်းနှင်း/People’s Spring

မန္တလေးတိုင်း၊ နွားထိုးကြီးမြို့နယ်က စစ်တပ်အထိုင်စခန်းနေရာတွေကို တိုက်ခိုက်ခဲ့ရာ စစ်သား ၅ဦး သေဆုံးပြီး ဒရုန်း ၁စီး သိမ်းရခဲ့တယ်လို့ မြင်းခြံခရိုင်တပ်ရင်း(၄-၁၀)က ထုတ်ပြန်ပါတယ်။

ဇူလိုင် ၁၇ ရက် မနက် ၈နာရီခန့်က နွားထိုးကြီးမြို့နယ်၊ပြင်စည်ရဲစခန်း၊ပြင်စည် စာသင်ကျောင်းနဲ့ ထိမ္ဘလားရွာ(အမြန်လမ်းလုံခြုံ ရေးတပ်စခန်း)တို့ကို မြင်းခြံခရိုင်တပ်ရင်း(၄-၁၀)က ပြောက်ကျားနည်းနဲ့ ဝင် ရောက်တိုက်ခိုက်ခဲ့တာလို့ သိရပါတယ်။တပြိုင်နက် ခက်လန်းရွာရှိ စစ်ကောင်စီတပ်သား တွေကိုလည်း ဒရုန်းနဲ့ ဗုံးကြဲတိုက်ခိုက်တာ တွေပြုလုပ်ခဲ့တယ်လို့ ထုတ်ပြန်ထားပါတယ်။

အဲဒီတိုက်ပွဲတွေအတွင်း စစ်သား ၅ဦး သေဆုံးပြီး အများအပြားထိခိုက်ဒဏ်ရာရကာ ဒရုန်း ၁စီးသိမ်းယူနိုင်ခဲ့တယ်လို့ ထုတ်ပြန်ထားပါတယ်။

Public Service Announcement

“တိုက်ပွဲက တော့အဓိကက ပြင်စည်တိုက်ပွဲနဲ့ ထိမ္ဘလားတိုက်ပွဲဘက်မှာ စကစ သေဆုံးမှုများတာပါ”လို့မြင်းခြံခရိုင် တပ်ရင်း (၄-၁၀)တပ်ရင်းမှူး ကိုစိုးအောင်က ပြောပါတယ်။

တိုက်ပွဲအပြီးမှာ စစ်တပ်က လက်နက်ကြီးတွေရမ်းသမ်းပစ်ခတ်တာ တွေရှိသလို အမြန်လမ်းပိုင်းက နေ အင်အားဖြည့်တင်းတာ တွေလည်းရှိတယ်လို့ သိရပါတယ်။