ရှမ်းပြည်နယ်မြောက်ပိုင်း မုံးကိုးခရိုင် ဟွာချောက်ဒေသနှင့် မန်ကျယ်ဒေသအကြားတွင် ဖြစ်ပွားခဲ့သည့် တိုက်ပွဲနှစ်ကြိမ်အတွင်း စစ်ကောင်စီတပ်သား ၁၂ဦးထက်မနည်းသေဆုံးခဲ့သည်ဟု ကိုးကန့်လက်နက်ကိုင်တပ်ဖွဲ့ (MNDAA)က ယနေ့ ထုတ်ပြန်သည်။
ဟွာချောက်ဒေသနှင့် မန်ကျယ်ဒေသကြားတွင် ဒီဇင်ဘာ ၂၆ရက် နေ့လည် ၁၁နာရီ ၂၀ မိနစ်ခန့်ကစ၍ တိုက်ပွဲပြင်းထန်ခဲ့ရာ ညနေ ၆နာရီကျော်အထိ ကြာမြင့်ခဲ့ကြောင်း၊ ယင်းတိုက်ပွဲ၌ စစ်ကောင်စီတပ်မှ သေဆုံးသူ ခုနစ်ဦးအထက်ရှိကြောင်း ဖော်ပြသည်။ ညပိုင်းတွင် စစ်ကောင်စီတပ်၏ စစ်ကူအဖွဲ့နှင့် ထပ်မံတိုက်ပွဲဖြစ်ရာ စစ်ကောင်စီဘက်မှ စစ်ကားတစ်စီးပျက်စီးပြီး ထိခိုက်ကျဆုံးသူ ငါးဦးအထက်ရှိသည်ဟု ထုတ်ပြန်သည်။
ဒီဇင်ဘာ ၂၅ ရက်ညပိုင်းက စစ်ကောင်ီတပ်က လက်နက်ကြီးဖြင့် ပစ်ခတ်၍ ဒေသခံ တရုတ်လူမျိုး တစ်ဦးသေဆုံးခဲ့ကြောင်း၊ ဩဂုတ်မှ စ၍ ပြင်းထန်ခဲ့သည့် မုံးကိုးတိုက်ပွဲတွင် စစ်ကောင်စီတပ်၏ ပစ်ခတ်မှုကြောင့် ကလေးငယ်အပါအဝင် အရပ်သားသေဆုံးထိခိုက်မှုများရှိခဲ့ကြောင်း MNDAAက ထုတ်ပြန်သည်။
MNDAAနှင့် စစ်ကောင်စီတပ်သည် ဒီဇင်ဘာ ၂၇ရက်ကလည်း မုံးကိုးနှင့် သိန္နီဒေသ၌ တိုက်ပွဲဆက်ဖြစ်ခဲ့သည်ဟု ဆိုသည်။
Public Service Announcement
