စစ်ကောင်စီတပ်လက်ချက်ကြောင့် မီးလောင်ပျက်စီးခဲ့သည့် မိုးဗြဲဒေသခံများ၏ နေအိမ်များ

ဖယ်ခုံမြို့နယ် မိုးဗြဲဒေသ၌ အကြမ်းဖက်စစ်ကောင်စီတပ်က လက်နက်ကြီး ပစ်ခတ်ခြင်း၊ မီးရှို့ဖျက်ဆီးခြင်းများ ပြုလုပ်ခဲ့၍ ဒေသခံပြည်သူလူထုပိုင် နေအိမ်အများအပြား မီးလောင်ပျက်စီး ခဲ့ရသည်။

စစ်ကောင်စီတပ်၏ လက်ချက်ကြောင့် ဖေဖော်ဝါရီ ၁၈ရက်မှစ၍ မိုးဗြဲဒေသ ဝှာရီဆူးပလိုင်ရွာ နှင့် ဝီသဲကူးကျေးရွာတို့မှ နေအိမ်များ မီးလောင်ပျက်စီးခဲ့သည်။ ထို့ပြင် ဒေသခံပြည်သူ ထောင်နှင့်ချီပြီး ထွက်ပြေးတိမ်းရှောင်နေကြရသည်။

အဆိုပါ ကျေးရွာတို့မှ ပြည်သူပိုင်နေအိမ်များအား စစ်ကောင်စီမှ မီးရှို့ဖျက်ဆီး ထားသည့် ဓာတ်ပုံမှတ်တမ်းအချို့ကို လွိုင်ကော်PDFက ယနေ့ထုတ်ပြန်ခဲ့သည်။

ဖေဖော်ဝါရီ ၁၆ရက်မှ ၂၀ ရက်အထိ ငါးရက်ဆက် တိုက်ပွဲပြင်းထန်ခဲ့သည့် မိုးဗြဲဒေသတွင် စစ်ကောင်စီတပ်ဖွဲ့များသည် ပြည်သူလူထု နေအိမ်များ ကိုမီးရှို့ခြင်း၊ ပြည်သူများ အသုံးပြုရာ လမ်း၌ မိုင်းထောင်ခြင်း၊ လက်နက်ကြီး ပစ်ခတ်ခြင်း၊ လေကြောင်းမှ တိုက်ခိုက်ခြင်းများ လုပ်ဆောင်ခဲ့သည်ဟု လွိုင်ကော် PDFက ထုတ်ပြန်သည်။

Public Service Announcement