'/%3E%3C/svg%3E){kind=small}
စစ်ကိုင်းတိုင်း ဝက်လက်မြို့နယ်တွင် အကြမ်းဖက်စစ်ကောင်စီ၏ လူသားဒိုင်းအဖြစ်ပြုလုပ်မှုကို သတိပြုရှောင်ရှားရန် ဝက်လက်မြို့နယ်ပြည်သူ့ကာကွယ်ရေးတပ်ဖွဲ့က သတိပေးသည်။
ဝက်လက်မြို့နယ်အတွင်းရှိ ပြည်သူများအနေဖြင့် မတ်လ ၂ရက်မှ စတင်ကာ ညနေ ၆နာရီမှ နောက်တစ်နေ့ နံနက် ၆နာရီအတွင်း ညပိုင်းအချိန် ဖြတ်သန်းသွားလာခြင်း မပြုလုပ်ကြပါရန်နှင့် လမ်းဘေး ဝဲ ၊ယာ အမှိုက်များမီးရှို့ခြင်း၊ ညအချိန် လယ်ကွင်းများတွင် ရေပေးရေယူ ပြုလုပ်ခြင်းများဆောင်ရွက်ခြင်း မပြုလုပ်ကြရန် မေတ္တာရပ်ခံကြောင်း၊ ပြုလုပ်မိပါက ဖြစ်လာမည့်အကျိုးဆက်များကို တာဝန်ယူမည်မဟုတ်ကြောင်း ဝက်လက်မြို့နယ်ပြည်သူ့ကာကွယ်ရေးအဖွဲ့က သတိပေးသည်။
ထို့အပြင် မိဘပြည်သူများအနေဖြင့် အကြမ်းဖက် စစ်ကောင်စီတပ်များ ဝင်ရောက်လာခဲ့ပါက လူသားဒိုင်း အဖြစ် အသုံးပြုခံမဖြစ်စေရေးအတွက် ဝေးဝေးက ရှောင်ကြရန်အထူးသတိပေးအပ်ပါသည်ဟု ဝက်လက်မြို့နယ်ပြည်သူ့ကာကွယ်ရေးအဖွဲ့၊ ရွှေဘိုခရိုင် အမှတ်(၁) တပ်ရင်းက သတိပေးသည်။
ဝက်လက်မြို့နယ် ကျောက်တိုင်ရွာတွင် အကြမ်းဖက်စစ်ကောင်စီတပ်သည် ယမန်နေ့ကတည်းက ဝင်ရောက်လာကာ ရွာသူ၊ ရွာသား ၅၀ထက်မနည်း ကျေးရွာ ဘုန်းကြီးကျောင်း၌ ဖမ်းဆီးထားပြီး ရိုက်နှက်နှိပ်စက်မှုများ ပြုလုပ်နေကြောင်း ဒေသခံများက ပြောသည်။
Public Service Announcement
