ထောင်ဝင်စာပို့ပေးနေသည့် ဗကသအဖွဲ့ဝင်ကျောင်းသားသုံးဦး သီတင်းနှစ်ပတ်ကြာ စစ်ကောင်စီကဖမ်းဆီးထားပြီးနောက် အကြမ်းဖက်ပုဒ်မများဖြင့် စွဲချက်တင်ခံထားရကြောင်း ဗမာနိုင်ငံလုံးဆိုင်ရာ ကျောင်းသားများသမဂ္ဂအဖွဲ့ချုပ်က ထုတ်ပြန်သည်။
အဆိုပါကျောင်းသားသုံးဦးမှာ ကိုအောင်မျိုးကို၊ ကိုကျော်ဇင်လတ်နှင့် မသီရိရတနာတို့ဖြစ်ပြီး ၎င်းတို့သုံးဦးကို ပြည်သူ့ကာကွယ်ရေးတပ်များအား ထောက်ပံ့သည်ဆိုကာ အကြမ်းဖက်တိုက်ဖျက်ရေးပုဒ်မ(၅၂က၊ ၅၀ ည)စသည့် ပုဒ်မနှစ်ခုစီဖြင့် စွဲချက်တင်ထားကြောင်း ထုတ်ပြန်ချက်တွင် ဖော်ပြသည်။
မန္တလေးမြို့ အမရပူရမြို့နယ်တွင် မတ်လ ၂ ရက်က ဖမ်းဆီးခံခဲ့ရသော အထက်ပါကျောင်း သားသုံးဦးလုံးကို အမှုတစ်မှုလျင် ထောင်ဒဏ်သုံးနှစ်ကျခံရနိုင်သည့် ပုဒ်မများဖြင့်စွဲချက် တင်ခံထားရခြင်းလည်း ဖြစ်သည်။
လက်ရှိအခြေအနေတွင် ဖမ်းဆီးခံကျောင်းသားသုံးဦးကို အမရပူရမြို့နယ်ရဲစခန်း၌ ချုပ်နှောင်ထားပြီး အမှုအတွက် ခိုင်လုံသောအသက်သေအထောက်အထားမရှိသေး၍ မတ်လ ၂၃ ရက်မှသာ ရမန်ယူရမည်ဖြစ်ကြောင်း ဗကသများအဖွဲ့ချုပ်က အသိပေးထုတ်ပြန်ထားသည်။
Public Service Announcement
