စက်တင်ဘာ -၉ ၊၂၀၂၆
မန္တလေးတိုင်း၊ ပြင်ဦးလွင်မြို့နယ်၊ ပြင်စာကျေးရွာရှိ ရတနာပုံဆိုက်ဘာစီးတီးနည်းပညာတက္ကသိုလ်မှာမနေ့( စက်တင်ဘာလ ၈ ရက်)ညပိုင်း ၇ နာရီဝန်းကျင်က ကျောင်းသားအချင်းချင်း ဓားထိုးမှု ဖြစ်တာကြောင့် တစ်ဦးသေဆုံးသွားတယ်လို့ ဒေသခံဆီက သိရပါတယ်။
မနေ့ ညပိုင်းမှာရတနာပုံဆိုက်ဘာစီးတီး နည်းပညာ တက္ကသိုလ်ကျောင်းရဲ့အမျိုးသားအဆောင် မှာကျောင်းသား အချင်းချင်း ခိုက်ရန်ဖြစ်ပွားခဲ့တာပါ။
ရွှေကျွန်းသာအမျိုးသားအဆောင်တတိယထပ်မှာကျောင်းသားနှစ်ဦး ဆူညံနေတဲ့အတွက်အောက်ထပ်ကကျောင်းသားတစ်ဦးကမဆူဖို့ သွားပြောရာကနေ ခိုက်ရန်ဖြစ်ပွားခဲ့တာလို့ သိရပါတယ်။
Public Service Announcement
ကျောင်သားနှစ်ဦးကသူတို့ကိုမဆူဖို့ လာပြောတဲ့ကျောင်းသားကိုထိုးကြိတ်ရာမှာအထိုးခံရတဲ့ကျောင်းသားကအဆောင်ဝရန်တာမှာရှိနေတဲ့ ကြက်သွန်လှီးဓားနဲ့ ထိုးရာမှာ တစ်ဦးသေဆုံးပြီး ကျန်တစ်ဦးလည်း ဓားဒဏ်ရာရကာ စိုးရိမ်ရတယ်လို့သိရပါတယ်။
“ကောင်လေးကို ပြင်စာရဲစခန်းမှာ လာဖမ်းသွားပါတယ်” လို့ ဖြစ်စဉ်ကိုသိတဲ့ဒေသခံကပြောပါတယ်။
ဓားနဲ့ထိုးတဲ့ ကျောင်းသားကိုပြင်ဦးလွင်မြို့နယ် ၊ပြင်စာရွာ ရဲစခန်းမှာ လူသတ်မှုပုဒ်မနဲ့ ဖမ်းဆီးထားတယ်လို့သိရပါတယ်။
