ဘင်္ဂလားပင်လယ်အော်သည် လေဖိအားနည်းရပ်ဝန်းသည်လေဖိအားနည်းအဖြစ်မှပင်အားပျော့ပျက်ပြယ်သွားနိုင်သလို မုန်တိုင်းဖြစ်လာနိုင်ပြီး ဖြစ်နိုင်ခြေ ခန့်မှန်းချက် နှစ်ခုကို အမျိုးသားညီညွတ်ရေးအစိုးရ- NUGက ထုတ်ပြန်ထားသည်။
လေဖိအားနည်းရပ်ဝန်းသည် မတ်လ ၂၀ ရက်တွင် မုန်တိုင်းငယ်ဖြစ်နိုင်ပြီး လတ်တလောခန့်မှန်းချက်အရ အိန္ဒိယရော မြန်မာကိုပါ ဝင်ရောက်နိုင်ချေရှိနေသည်ဟု အမျိုးသားညီညွတ်ရေးအစိုးရ၊ လူသားချင်းစာနာထောက်ထားရေးနှင့်ဘေးဆိုင်ရာအန္တရာယ်စီမံခန့်ခွဲရေးဝန်ကြီးဌာနကယမန်နေ့
(မတ် ၁၈ရက်)ညနေတွင် သတင်းထုတ်ပြန်ထားသည်။
မိုးလေဝသခန့်မှန်းရေးဆိုင်ရာ ကွန်ပျူတာမော်ဒယ်နှစ်ခုအား နှိုင်းယှဉ်တွက်ချက်၍ အောက်ပါအတိုင်း ရှင်းပြထားသည်။
ပထမ မော်ဒယ်အရ လာမည့် မတ်လ၊ ၂၀ ရက်နေ့တွင် လေဖိအားနည်းရပ်ဝန်းသည် မြန်မာနိုင်ငံ၊ ဧရာဝတီတိုင်း မြစ်ဝကျွန်းပေါ်ဒေသရှိ မော်တင်စွန်းအထက်နားမှ ကုန်းတွင်းပိုင်းသို့ ဝင်ရောက် ပြီး ၂၁ ရက်နေ့ ညနေပိုင်းတွင် ပဲခူးတိုင်း၊ ပြည်မြို့အနီးတွင် အားပျော့ပျက်ပြယ် သွားနိုင်ကြောင်း။ဒုတိယ မော်ဒယ်ခန့်မှန်းချက်အရ လာမည့် မတ်လ၊ ၂၂ ရက်နေ့တွင် မြန်မာနိုင်ငံ၊ ရခိုင်ပြည်နယ်၊ သံတွဲနှင့် ကျောက်ဖြူမြို့ကြားမှ ကုန်းတွင်းသို့ဝင်ရောက်ပြီး စစ်ကိုင်းတိုင်း၊ မုံရွာမြို့အနီးတွင် အားပျော့ပျက်ပြယ်သွားနိုင်ကြောင်း ခန့်မှန်းထားသည်။
Public Service Announcement
မတ်လ၂၀ ရက်နေ့တွင်ပြောင်းလဲဖြစ်ပေါ်နိုင်မည့်လမ်းကြောင်းအခြေအနေကိုမူတည်ကာ မည်သည့်လမ်းကြောင်းမှ ဝင်ရောက်နိုင်မည်ကို အသေးစိတ်ထပ်မံထုတ်ပြန်ပေးမည်ဟု ရှင်းပြထားသည်။အိန္ဒိယမိုးလေဝသဌာနက လေဖိအားနည်းရပ်ဝန်းသည် မတ်လ ၂၀ တွင်မုန်တိုင်းငယ်ဖြစ်လာပြီး ဆိုင်ကလုန်းမုန်းတိုင်းအဖြစ်ပိုအားကောင်းလာက ဘဂ်လားဒေရှ်နိုင်ငံနှင့် ရခိုင်ကမ်းရိုးတန်းအပါအဝင်မြန်မာနိုင်ငံမြောက်ပိုင်းဒေသများသို့ဖြတ်ကျော်ဝင်ရောက်နိုင်ကြောင်း
ခန့်မှန်းတွက်ချက်ထားသည်။
လက်ရှိတွင်မုန်တိုင်းလမ်းကြောင်းကို အတိအကျ မခန့်မှန်းနိုင်သေးသော်လည်း လေပြင်းဘေးကို အထူး သတိပြုနေထိုင်ကြရန် NUGက တိုက်တွန်းထားသည်။ ထို့အပြင်လတ်တလောကာလ မိုးလေဝသသတင်းများကို အလေးထားစောင့်ကြည့်ရန်လည်း အကြံပြုထားသည်။
မုန်တိုင်းလမ်းကြောင်း ထုတ်ပြန်ချက်နှင့် သတိပေးချက်အပြည့်အစုံကို အောက်တွင် ဖတ်ရှုနိုင်ပါသည်။
