စစ်ကိုင်းတိုင်း မြောင်မြို့နယ်အထွေထွေအုပ်ချုပ်ရေးမှူးရုံးအား မဟာမိတ်ညီနောင်သုံးဖွဲ့ပူးပေါင်းကာ ဝင်ရောက်တိုက်ခိုက်ခဲ့ရာ ထိခိုက်သေဆုံးမှုများရှိနိုင်ကြောင်း စစ်ကိုင်းခရိုင် တပ်ရင်း(၁)ကထုတ်ပြန်သည်။
စစ်ကိုင်းခရိုင် တပ်ရင်း(၁) အရန်တပ်ခွဲ(၁) နှင့် မြောင်မြို့နယ်တော်လှန်ရေးတပ်(MRA)နှင့် Zarmani Revolution Force ပြောက်ကျားတပ်ဖွဲ့၊ မဟာမိတ်ညီနောင်သုံးဖွဲ့ပူးပေါင်းကာ ယနေ့မတ်လ ၂၁ ရက် ည ၇နာရီ၁၅မိနစ်ဝန်းကျင်က မြောင်မြို့နယ်အထွေထွေအုပ်ချုပ်ရေးမှူးရုံးကို ဝင်ရောက်တိုက်ခိုက်ခဲ့ကြောင်း၊ ပြည်သူ့ကာကွယ်ရေးတပ်ဖွဲ့မှ တိုက်ခိုက်မှုပြုလုပ်ပြီး အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း ဗိုလ်ယက္ခက သတင်းထုတ်ပြန်သည်။
မြောင်မြို့နယ် အုပ်ချုပ်ရေးမှူးရုံးအတွင်း ထိခိုက်သေဆုံးပျက်စီးမှုရှိသည်ကို သိရှိရသော်လည်း တိုက်ခိုက်ပြီးသည်နှင့် ပြန်လည်ထွက်ခွာလာခဲ့သောကြောင့် စကစသေဆုံးစာရင်းကို ထုတ်ပြန်နိုင်ခြင်းမရှိသေးကြောင်း စစ်ကိုင်းခရိုင်၊ တပ်ရင်း(၁) မှ ဗိုလ်ယက္ခက အသိပေးသည်။
မြောင်မြို့နယ် တော်လှန်ရေးတပ် (MRA)သည် မတ်လ ၁၇ရက်ကလည်း မြင်းမူမြို့နယ်၊ ဝမ့်ပြည့်ကျေးရွာ နှင့် အလ္လကပ္ပကျေးရွာကြားလက်နက် အပြည့်စုံနှင့် အရပ်ဝတ် စစ်ကောင်စီတပ်သား ၁၀ဦးခန့် လာရောက် မိုင်းရှင်းလင်းရေး ပြုလုပ်စဥ် Knight Commanders( MMU) နှင့်အတူ နှစ်ဖွဲ့ပူးပေါင်းမိုင်းဆွဲတိုက်ခဲ့ရာ စစ်ကောင်စီတပ်သား အနည်းဆုံးခုနစ်ဦး သေဆုံးကြောင်း သတင်းထုတ်ပြန်ခဲ့သည်။
Public Service Announcement
