အလုပ်သမားရေးရာတိုင်ကြားမှုယန္တရားကို ယနေ့(ဧပြီ ၁၇)မှစတင်တိုင်ကြားနိုင်ကြောင်း NUG အလုပ်သမားဝန်ကြီးဌာနက ထုတ်ပြန်ကြေညာသည်။
အလုပ်သမားများ၏ နစ်နာမှုများနှင့်ပတ်သက်၍ အလုပ်သမားဝန်ကြီးဌာန၏ website ၊ Facebook Messenger Bot နှင့် emial တို့မှတဆင့် ဝင်ရောက်တိုင်ကြားနိုင်ကြောင်း ထုတ်ပြန်ချက်၌ ဖော်ပြသည်။
အဆိုပါတိုင်ကြားမှုယန္တရားကို စစ်အာဏာရှင်လက် အောက်တွင် ထိခိုက်နစ်နာဆုံးရှုံးနေသော အလုပ်ရှင်၊ အလုပ်သမားတို့ ၏ ဥပဒေပါ ရပိုင်ခွင့်နှင့် အကျိုးခံစား ခွင့်များရရှိရန်၊ အလုပ်ရှင်၊ အလုပ်သမားဆက်ဆံရေးတည်ဆောက်နိုင်ရန်နှင့် လုပ်ငန်းများအဆင်ပြေချောမွေ့စွာလည်ပတ်နိုင်စေရန် ရည်ရွယ်လုပ်ဆောင်ခြင်းဖြစ်ကြောင်း NUG က မတ်လ ၁၉ ရက်တွင် ထုတ်ပြန်ခဲ့သည်။
အဆိုပါ တိုင်ကြားမှုယန္တရားလည်ပတ်ဆောင်ရွက်နိုင်ရေးအတွက် အလုပ်ရှင်များ၊ အလုပ်ရှင်အဖွဲ့ အစည်းများ၊ အလုပ်သမားအဖွဲ့အစည်းများနှင့် အလုပ်သမားရေးရာ ဆောင်ရွက်နေသူများက ပူးပေါင်းပါဝင်ကြရန်လည်း NUG က မေတ္တာရပ်ခံထားသည်။
Public Service Announcement
ထို့အပြင် ပူးပေါင်းပါဝင်ဆောင်ရွက်သည့် အဖွဲ့အစည်းများနှင့် လူပုဂ္ဂိုလ်တို့အား NUG က မှတ်တမ်းတင်ထားရှိကာ နိုင်ငံတော်တာဝန်များရယူချိန်တွင် ထိုက်တန်သည့် ဂုဏ်ပြုမှုများ ဆောင်ရွက်သွားမည်ဟု အလုပ်သမားဝန်ကြီးဌာနက ထုတ်ပြန်သည်။
