မြန်မာနိုင်ငံဒီမိုကရေစီပြန်လည်ရရှိဖို့နဲ့ အာဏာသိမ်းစစ်ကောင်စီ ကျုးလွန်တဲ့လုပ်ရပ်တွေကို တာဝန်ခံမှုရှိစေဖို့ မဟာမိတ် နိုင်ငံတွေနဲ့ ဆွေးနွေးဖို့အတွက် အမေရိကန် နိုင်ငံခြားရေးဝန်ကြီး ဌာနရဲ့ အတိုင်ပင်ခံပုဂ္ဂိုလ် ဒဲရစ်ချောလက်ဟာ ဒီနေ့ ကစတင်ပြီး အရှေ့တောင်အာရှခရီးစဉ်စတင်လိုက်ပါတယ်။
ဒဲရစ်ချောလက်ရဲ့ခရီးစဉ်ဟာ ဇွန်လ ၇ ရက်ကနေ ဇွန်လ ၁၄ ရက်အထိကြာမြင့်မှာဖြစ်ပြီး မြန်မာနိုင်ငံရဲ့အိမ်နီးချင်း ထိုင်းနိုင်ငံ ၊ စင်ကာပူနဲ့ဘရူးနိုင်းနိုင်ငံတွေကိုသွားရောက်မှာပါ။
ထိုင်းနိုင်ငံကိုတော့ ဒီနေ့မှာ ရောက်ရှိမှာဖြစ်တယ်လို့အမေရိကန် နိုင်ငံခြားရေးဝန်ကြီးဌာနက သတင်းထုတ်ပြန်ထားပါတယ်။
ခရီးစဉ်အတွင်းမှာ ပြီးခဲ့တဲ့ မေလအတွင်းက ဝါရှင်တန်ဒီစီမှာပြုလုပ်ခဲ့တဲ့ အမေရိကန် − အာဆီယံ ထိပ်သီးအစည်းအဝေး သဘောတူညီချက်တွေကိုအကောင်အထည်ဆက်လက်ဖော်ဆောင်နိုင်ဖို့ ဆွေးနွေးမှာလည်းဖြစ်ပါတယ်။
Public Service Announcement
