စစ်ကိုင်းတိုင်း တမူးမြို့တွင်းကို ဖြတ်လာသည့် စစ်ကောင်စီတပ်နှင့် ဒေသခံကာကွယ်ရေးတပ်တို့ တိုက်ပွဲများ ပြင်းထန်စွာဖြစ်ပွားခဲ့ကြောင်း PDF တမူး တပ်ရင်း – ၄က ထုတ်ပြန်သည်။
နန်မွန်းတားကျေးရွာမှ တမူးမြို့တွင်းသို့ ဖြတ်လာသည့် စစ်ကောင်စီတပ်များကို PDF တမူး တပ်ရင်း – ၄ နှင့် မဟာမိတ်ဒေသခံကာကွယ်ရေးတပ်များက ယနေ့ ညနေ ၃နာရီမှ ၆နာရီအထိ ၃နာရီကြာ တိုက်ခိုက်ခဲ့ခြင်းဖြစ်သည်။
စစ်ကောင်စီတပ်က လက်နက်ကြီးများဖြင့် တိုက်ခိုက်ခဲ့သော်လည်း ထိခိုက်မှုများရှိနိုင်ပြီးအတိအကျ စာရင်းမသိနိုင်ကြောင်း PDF တမူးက ဆိုသည်။
ယမန့်နေ့ ပန်းသားရွာတိုက်ပွဲတွင်လည်း စစ်ကောင်စီဘက်မှ သေဆုံးမှုများရှိသော်လည်း စာရင်းအတိအကျမရနိုင်ကြောင်း ဖော်ပြထားသည်။
Public Service Announcement
ဒေသခံပြည်သူများအနေဖြင့် တိုက်ပွဲများ အချိန်မရွေးဖြစ်ပွားနိုင်၍ ပြည်သူ့ကာကွယ်ရေးတပ်များက သတင်းမထုတ်ပြန်မချင်း မြို့ပြင်နှင့် မြို့ရှောင်လမ်းကို ဖြတ်သန်းသွားလာခြင်းမပြုရန်လည်း မေတ္တာရပ်ခံထားသည်။
